ꓢꓲ, ꓕ‐ꓓꓲ‐ꓪꓴ ꓪꓴ‐ꓢ ꓔꓯ ꓢꓷ. ꓡ ꓟ ꓠꓬ 4 ꓘꓳꓼ ꓛꓲ ꓡꓰ ꓙꓳ ꓢꓰ ꓡꓳ꓿ ꓖꓳ ꓡꓱ ꓟꓲ ꓕꓱ 4 ꓘꓳꓼ ꓘꓴ ꓗꓪ ꓪꓴ‐ꓢ ꓔꓯ ꓶꓼ ꓓꓰ ꓗꓷ ꓟ ꓠꓬ ꓟꓴꓽ ꓖꓪ ꓫꓬ, ꓒꓬꓱꓼ ꓡ ꓠ, ꓟ ꓓꓰ ꓗꓷꓳ ꓐꓯ ꓡꓳ꓿ ꓬꓲ ꓕꓲ ꓦꓲ ꓠꓬ ꓫ. ꓢꓴ ꓟꓷ ꓢꓴ ꓥꓳ ꓐꓯ ꓡꓳ ꓖꓳ ꓡꓱ ꓪꓴ‐ꓢ ꓔꓯ ꓢꓷ. ꓡ ꓕꓲ ꓠꓬꓲ ꓗꓪ ꓐꓰ ꓠꓬ ꓬꓲ ꓓꓵꓽ ꓙ ꓔ. ꓟ ꓟꓲ ꓒꓬꓱꓼ ꓡ ꓡꓳ ꓐꓯ ꓡꓳ꓿ ꓟꓴꓽ ꓖꓪ ꓫꓬ, ꓠ, ꓟ ꓬꓲ ꓚꓱ, ꓟꓲ ꓙꓳ ꓡ꓾ ꓟꓴꓽ ꓖꓪ ꓡꓴꓽ ꓠ, ꓟ ꓟꓲ ꓬꓲ ꓚꓱ, ꓟꓳ ꓡ ꓟ ꓑꓶ. ꓓꓴ ꓟꓴꓽ ꓖꓪ ꓕꓱ ꓡꓱ ꓫꓬ, ꓒꓬꓱꓼ ꓡ ꓟ ꓥꓳ ꓐꓯ ꓡꓳ꓿

            ꓶꓼ ꓤ ꓫꓱ. ꓤ ꓐꓯ ꓟ ꓟꓴꓽ ꓖꓪ ꓕꓱ ꓕꓲ ꓚꓱ, ꓟ ꓠꓬ 2022 ꓘꓳꓼ ꓘꓴ ꓗꓪ ꓫꓬ, ꓔ ꓟ ꓥ ꓢꓲ ꓡ ꓞꓳ ꓮ ꓘꓶ. ꓢꓷ. ꓡꓰ ꓟ ꓕꓲ ꓚꓱ, ꓥꓳ꓿ ꓘꓴ‐ꓜꓲꓼ‐ꓞꓳ ꓕꓲ ꓟ ꓡꓰ ꓕꓲ ꓟ ꓗꓪ ꓟꓲ ꓫꓱ. ꓖꓶ ꓔꓬ ꓟ ꓟꓴꓽ ꓖꓪ ꓕꓲ ꓚꓱ, ꓗꓷ ꓡꓰꓳ ꓠꓬꓲ ꓪꓴ‐ꓢ ꓔꓯ ꓫ ꓟꓳ ꓐꓯ ꓡꓳ ꓬꓲ ꓓ ꓠꓬꓲ ꓬꓲ ꓐ ꓡ ꓠꓬꓲ ꓟꓽ ꓥ ꓪꓴ‐ꓢ ꓡꓰ ꓢꓯꓼ ꓧꓳꓽ ꓖꓶ ꓡ ꓟ ꓗꓪ ꓐꓰ ꓥꓳ ꓐꓰ ꓐꓯ ꓡꓳ꓿

ꓝꓮꓲ 2023 ꓘꓳꓼ ꓗꓪ ꓟꓲ ꓢꓯ. ꓬꓲꓼ ꓡ ꓟꓴꓽ ꓖꓪ ꓕꓲ ꓚꓱ, ꓫꓬ, ꓔꓬ ꓡꓳ ꓐꓯ ꓡꓳ꓿ ꓫꓬ, ꓓꓳ ꓡꓰ ꓠꓬ ꓝꓮꓚꓰꓐꓳꓳꓗ Sai Aung & YouTube Lisu Song Music ꓗꓪ ꓗꓶ ꓩꓴ ꓡ ꓓꓴ ꓥꓳ ꓢꓯꓼ ꓖꓶ ꓙ ꓡꓯ ꓐꓰ ꓐꓯ ꓔꓬ ꓡꓳ꓿ ꓢꓯ. ꓬꓲꓼ ꓡ  ꓟ ꓟꓴꓽ ꓖꓪ ꓔꓯ  ꓠ, ꓠ ꓢꓯꓼ ꓖꓶ ꓢꓲ ꓚꓬꓴ ꓢꓲꓺ ꓒ ꓔꓯ ꓫꓱ. ꓖꓶ ꓪ ꓡꓰ ꓝꓲ ꓓꓴ ꓬꓰ ꓡꓯ꓿ ꓧꓪ ꓧꓪ