Lisu Refugee Committee Malaysia Office.

ꓟꓶ-ꓡꓯ-ꓫ ꓗꓴꓷ ꓗꓪ ꓣꓳ: ꓡꓲ-ꓢꓴ Refugee ꓜꓴꓻ ꓬꓳꓹ ꓦꓲꓻ ꓗꓪ ꓟꓬꓱꓽ ꓟꓯ ꓔ ꓟ ꓟ. ꓒ ꓟ. ꓟ ꓐꓴˍ ꓐꓰ ꓙ ꓡꓯ ꓘꓳꓼ ꓟ ꓬꓰ ꓗꓷ ꓐꓯ ꓡꓳ꓿

ꓠ ꓠꓬꓲ ꓘꓶ:

1. ꓜꓴꓻ ꓟꓬꓱ: ꓗꓪ ꓟꓬꓱ: ꓮ ꓡꓲ ꓐꓰ ꓬꓰ ꓢꓯꓼ ꓕꓵꓼ ꓔꓬˍ ꓡ?

👉 Lisu Refugee Committee Malaysia Office. ꓟꓬꓱꓽ ꓔ ꓡꓳ ꓐꓯ ꓡꓳ꓿ ꓣꓳ ꓡꓲ‐ꓢꓴ ꓫꓵ ꓐꓴ ꓔꓯ ꓬꓰ ꓙ ꓔꓬ ꓡꓳ ꓐꓯ ꓡꓳ꓿

2. ꓜꓴꓻ ꓟꓬꓱ: ꓮ ꓡꓲ ꓐꓰ ꓬꓰ ꓔꓬˍ ꓡ?

👉 ꓟꓯ ꓒ ꓡꓰ ꓣꓴ ꓬꓰ ꓢꓴ ꓔꓯ ꓫ ꓕꓱ ꓙ ꓟ ꓐꓰ ꓬꓲ ꓫꓵꓼ ꓡ ꓢꓴ ꓔꓯ ꓬꓲ ꓚꓱ, ꓟ. ꓖꓶ ꓡꓯ ꓘꓳ ꓟꓬꓱꓽ ꓗꓪ ꓬꓰ ꓙ ꓔꓬ ꓡꓳ ꓐꓯ ꓡꓳ꓿ ꓤ ꓠꓱ ꓤ ꓐꓴ ꓔꓯ ꓟ. ꓖꓶ ꓔꓱ ꓠꓬꓲ ꓖꓶ ꓔꓬ ꓡꓳ ꓐꓯ ꓡꓳ꓿

3. ꓬꓲ ꓫꓵꓼ ꓡ ꓢꓴ ꓔꓯ ꓡꓲ-ꓢꓴ ꓚꓮꓣꓓ ꓖꓶˍꓟ ꓝꓮꓲ ꓟꓬꓱꓺ ꓮ ꓡꓲ ꓐꓳ ꓗꓶˍ ꓡ?

👉 ꓬꓲ ꓫꓵꓼ ꓡ ꓢꓴ ꓔꓯ ꓚꓮꓣꓓ ꓖꓶ ꓢꓲ ꓠꓬꓲ ꓬꓲ ꓡꓲꓽ ꓬꓲ ꓚꓱ, ꓟ. ꓖꓶ ꓟ ꓞꓳ ꓟꓬꓱꓽ ꓟꓲ ꓐꓳ ꓖꓶ ꓬꓲ ꓥꓳꓽ ꓟ. ꓢꓷ. ꓢꓴ ꓔꓯ ꓟꓲ ꓟ. ꓖꓶ ꓐꓳ ꓙ ꓖꓳ ꓡꓱ ꓔꓬ ꓡꓳ ꓐꓯ ꓡꓳ꓿

4. ꓮ ꓟꓬꓹ ꓣꓳ ꓛꓲ ꓔꓬˍꓟ

👉 ꓚꓮꓣꓓ (ꓬꓲ ꓕꓳ ꓶ) ꓙꓳ ꓢꓴ ꓠꓬ 800 ꓣꓳ ꓐꓰ 900 ꓣꓳ ꓙꓳ ꓢꓲ ꓣꓳ ꓡꓲ‐ꓢꓴ ꓮꓽ ꓙꓵ ꓠꓬ 2,000 ꓣꓳ ꓕꓯ ꓢꓲ ꓙꓳ ꓡꓳ ꓮ ꓟꓶ ꓟꓲ ꓡꓯ ꓫꓵ ꓡ ꓔꓬ ꓢꓴ ꓟꓲ ꓙꓳ ꓡꓳ ꓝꓮꓲ ꓣꓳ ꓟꓵꓽ ꓗꓪ ꓔꓬ ꓫ. ꓟ ꓑꓶ. ꓓꓴ ꓕꓱ ꓗꓪ ꓡ ꓢꓴ ꓠꓬ ꓞꓳ ꓡꓱꓺ ꓤ ꓐꓴ ꓟꓬ ꓡꓳ꓿

Lisu Refugee Committee Malaysia Office ꓗꓪ ꓔꓬ ꓟ ꓟ. ꓒ ꓐꓴ ꓔꓯ ꓕꓱ ꓡꓱ ꓠ ꓠꓬꓲ ꓙ ꓡꓯ ꓘꓳ ꓟꓶ ꓡꓰꓳ ꓐꓯ ꓡꓳ꓿

5. Malaysia 2023 ꓘꓳꓼ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲꓽ ꓿

2023 ꓘꓳꓼ ꓡꓲ‐ꓢꓴ ꓘꓳꓼ ꓫꓵꓼ ꓑꓮꓲ ꓗꓪ ꓟꓲ ꓗ, ꓛꓲ ꓛꓲ ꓡꓰ ꓔ ꓪ ꓡꓰꓳ ꓐꓯ ꓡꓳ꓿ ꓟ. ꓒ ꓐꓲ‐ꓬꓳ ꓡꓲ‐ꓢꓴ ꓠꓬ ꓮ ꓘꓶ. ꓗ, ꓛꓲ ꓢꓯꓼ ꓪ ꓪ ꓡꓰꓳ ꓐꓯ ꓡꓳ꓿ ꓡꓲ‐ꓢꓴ ꓘꓳꓼ ꓫꓵꓽ ꓑꓮꓲ ꓗꓪ ꓡ ꓞꓳ ꓜꓲꓼ ꓛꓲ ꓡ ꓟ ꓠꓬ 300 ꓣꓳ ꓛꓲ ꓙꓳ ꓡꓳ꓿ ꓖꓳ ꓗꓪ ꓟꓴꓽ ꓖꓪ ꓖꓪ ꓒ꓾ ꓖꓪ ꓟ ꓐꓴ꓾ ꓟꓲ ꓟꓴꓽ ꓖꓪ ꓗꓪ ꓐꓰ ꓣꓳ ꓡꓲ‐ꓢꓴ ꓐꓴ ꓔꓯ ꓢꓯꓼ ꓖꓶ ꓔꓲꓺ ꓖꓶ ꓔꓬ ꓡꓳ ꓐꓯ ꓡꓳ꓿

ꓟ. ꓒ ꓐꓲ‐ꓬꓳ ꓡꓲ‐ꓢꓴ ꓬꓲ ꓚꓲ ꓛꓬ ꓥ ꓟꓲ Malaysia ꓗꓪ ꓔꓬ ꓟ ꓣꓳ ꓡꓲ‐ꓢꓴ ꓐꓴ ꓔꓯ ꓢꓯꓼ ꓖꓶ ꓪ ꓡꓰꓳ ꓐꓰ ꓐꓯ ꓡꓳ꓿

ꓮ ꓘꓶ. ꓠꓲ, ꓘꓪ ꓫꓵ ꓡꓳ ꓕꓱ ꓕꓲ ꓧꓪ ꓣꓳ ꓡꓲ‐ꓢꓴ ꓐꓴ ꓔꓯ ꓜꓲꓼ ꓪ꓾ ꓔ ꓡꓯ ꓘꓳ ꓪ꓾ ꓙ ꓡꓯ ꓘꓳ ꓪ ꓟ ꓠꓬ ꓪꓴ‐ꓢ ꓣꓱꓽ ꓛꓰ ꓥꓳ ꓐꓯ ꓡꓳ꓿ ꓖꓳ ꓗꓪ ꓔꓬ ꓟ ꓟ. ꓒ ꓟ. ꓟ ꓠꓬꓲ ꓤ ꓠꓬꓲ ꓤ ꓐꓴ ꓡꓰ ꓧꓳꓽ ꓚꓳ ꓙꓰ ꓡ꓾ ꓠꓲ, ꓒꓴ ꓒꓴ ꓐꓰ ꓘꓳ ꓣꓴ ꓡ ꓡꓳ ꓐꓯ ꓡꓳ꓿

ꓥꓪ ꓤꓶꓻ ꓠꓯꓸꓼ ꓗꓪ ꓬꓲꓼ ꓟꓬ ꓟꓽ ꓗꓳ ꓟ ꓟꓵꓽ ꓟꓽ ꓓꓵꓽ ꓙ ꓔ ꓟ ꓟꓵꓽ ꓑꓧꓳꓠꓰ ꓘꓴ ꓗꓪ ꓡꓰ ꓟꓳ ꓠꓬꓲ ꓟ ꓦꓲ ꓔꓯ ꓟꓲ ꓬꓲ ꓐꓽ ꓗꓪ ꓟꓳ ꓪ ꓡꓰꓳ ꓡꓳ꓿ Malaysia ꓗꓪ ꓔꓬ ꓟ ꓣꓳ ꓡꓲ‐ꓢꓴ ꓬꓲ ꓤ ꓠꓬꓲ ꓤ ꓮꓽ ꓙꓵ ꓢꓴ ꓔꓯ ꓮ ꓘꓶ. ꓫ ꓟꓳ ꓐꓰ ꓐꓯ ꓡꓳ꓿

• Rev.Dr. Lar Pha Wu ꓐꓰ ꓙ ꓡꓯ ꓘꓳ ꓟꓶ ꓡꓰꓳ ꓐꓯ ꓡꓳ꓿
• ꓟꓲ ꓙꓬ ꓦꓬꓼ ꓠꓬꓲ ꓗꓪ ꓪꓴ ꓡ ꓟꓴ ꓡ ꓚꓱ, ꓔꓯ ꓟꓳ ꓟꓬꓱꓽ ꓬꓰ ꓠ, ꓟ ꓓꓣ. ꓡ‐ꓪꓴꓽ ꓗꓪ ꓐꓰ ꓙ ꓡꓯ ꓘꓳ ꓟꓶ ꓡꓰꓳ꓿
• ꓧꓪ ꓒꓴ ꓥꓳꓽ ꓟ. ꓚꓱ, ꓐꓰ ꓡꓲ‐ꓢꓴ ꓫꓵꓽ ꓪꓴꓽ ꓟꓴ ꓡ ꓚꓱ, ꓬꓲ ꓫꓵ ꓬꓲ ꓙꓰ ꓟꓬꓱꓽ ꓑꓶ. ꓬꓰ ꓟ ꓗꓪ ꓟꓲ ꓓꓣ. ꓡ‐ꓪꓴꓽ ꓡꓰ ꓢꓯꓼ ꓖꓶ ꓓꓴ ꓥꓳ ꓐꓰ ꓐꓯ ꓡꓳ꓿ ꓖꓳ ꓡꓱ ꓠꓬꓲ ꓮ ꓘꓶ. ꓪ ꓘꓴ ꓙ ꓐꓰ ꓐꓯ ꓩꓴ ꓡ ꓡꓳ꓿