2022 ꓘꓳꓼ ꓘꓴꓽ ꓗꓪ Vijoynagar ꓐꓰ Tali ꓙ ꓖꓴ (Road) ꓫꓬ, Dꓳ ꓝꓲˍꓥꓳ꓾ ꓐꓰ ꓐꓯˍꓟ=

Lisu News: ꓲ‐Dꓲ‐ꓬ ꓗꓴꓷ꓾ ꓮ‐ꓣꓴ‐ꓠ‐ꓚ ꓢꓲ‐ꓔꓲꓼ (Arunachal State) ꓗꓪ ꓟ ꓮ ꓜꓴ ꓬꓼ

ꓬꓲ ꓜꓲꓽ Chief Minister ꓑꓯ‐ꓟ ꓘ‐Dꓳ (Pema Khandu) ꓡꓰ

ꓮ ꓟꓶ ꓕꓱ ꓕꓲ ꓘꓳꓼ ꓗꓪ ꓠꓬ ꓙꓼ ꓫꓵꓽ ꓙꓼ ꓙꓰꓽ ꓐꓰ ꓙ ꓖꓴ ꓔꓯ ꓟꓳ.

ꓟꓬ, ꓠꓬꓲ ꓢꓯꓼ ꓙꓳ ꓠ, ꓟ ꓐꓰ ꓪꓴꓽ ꓡ ꓠ, ꓟ ꓔꓶ ꓙꓱꓽ ꓙ ꓔꓬˍꓥꓳ ꓐꓰ ꓐꓯˍꓡꓳ=

ꓬꓲ ꓜꓲꓽ Pema Khandu

.

.

ꓖꓳ ꓡꓱ ꓠꓬꓲ ꓙꓱ‐ꓦꓲ‐ꓠꓽ‐ꓔꓶ. ( Vijoynagar ) ꓐꓰ ꓔ‐ꓡꓲ ( Tali )

ꓙ ꓖꓴ ꓔꓯ ꓠꓬ 2022 ꓘꓳꓼ ꓕꓱ ꓟ ꓘꓴꓽ ꓗꓪ ꓙꓵꓽ ꓪ ꓙꓳ ꓢꓴ ꓐꓴ ꓡꓰ

ꓮ ꓘꓶ. ꓢꓯꓼ ꓙꓳ ꓙꓳ ꓢꓯꓼ ꓕꓵꓼ ꓢꓲ ꓬꓰ Dꓳ ꓡꓰ ꓝꓲˍꓥꓳ꓾ ꓐꓰ ꓬꓲ ꓜꓲꓽ (Chief Minister) ꓡꓰ ꓐꓯˍꓡꓳ=

ꓫꓵ‐Dꓰ ꓘ, ꓗꓪ

ꓥꓪ ꓠꓬ 2022 ꓘꓳꓼ ꓕꓱ ꓟ ꓘꓴꓽ ꓗꓪ ꓟꓬꓱꓽ ꓕꓱ ꓠꓬꓲꓽ (2) ꓟ ꓟ ꓬꓰ ꓒꓬꓱꓼ ꓡ ꓠ, ꓟ ꓐꓰ

ꓬꓰ Dꓳ ꓡꓰ ꓝꓲ ꓠ, ꓟ ꓙꓱꓽ ꓘꓶꓽ ꓐꓰ ꓙ ꓟꓳ ꓘꓶꓽ ꓬꓰ ꓗꓷꓳ= ꓮ ꓡꓲ ꓗ ꓢꓲ ꓐꓯˍꓠꓬ ꓙꓱ‐ꓦꓲ‐ꓠꓽ‐ꓔꓶ. Vijoynagar

ꓕꓱ ꓟ ꓠꓬ ꓬꓲ ꓡꓵꓻ ꓬꓲ. ꓖꓽ ꓙ ꓖꓴ ꓥꓳ= ꓧꓶ. ꓕꓯ ꓮ‐ꓣꓴ‐ꓠ‐ꓚ ꓡꓰ. ꓢꓲ‐ꓔꓲꓼ (State) ꓟꓽ ꓗꓷ ꓡꓰˍꓕ ꓑꓳ.ˍꓡꓰ ꓢꓯꓼ ꓕꓵꓼ ꓬꓰ ꓔꓬˍꓟ ꓙ ꓖꓴ ꓥꓳ=

ꓖꓳ ꓡꓱ ꓠꓬꓲ ꓙ ꓖꓴ ꓕꓱ ꓟ ꓟꓽ ꓬꓰ Dꓳ ꓠꓬ ꓟꓽ ꓗꓷ ꓡꓰ ꓝꓲ꓾ ꓗꓼ ꓔꓯ ꓬꓰ Dꓳ ꓡꓰ ꓝꓲˍꓥꓳ꓾ ꓐꓰ ꓐꓯˍꓡꓳ=

Vijoynagar Road ꓙꓱ‐ꓦꓲ‐ꓠ‐ꓔꓶ ꓙ ꓖꓴ (ꓬꓲ ꓜꓲꓽ Pema Khandu)

.

.

ꓮ‐ꓣꓴ‐ꓠ‐ꓚ (Arunachal) ꓢꓲ‐ꓔꓲꓼ (State) ꓒꓬꓱꓼ ꓡˍꓟ ꓠꓬ 1987 ꓘꓳꓼ ꓗꓪ ꓥˍꓡꓳ=

.

ꓖꓳ ꓡꓱ ꓠꓬꓲ ꓙ ꓖꓴ ꓕꓱ ꓟ ꓟꓽ ꓙꓳˍꓠꓬ ꓪꓴꓽ ꓡ ꓟꓴ ꓡ Dꓴ ꓮ ꓫꓵˍꓟꓲ ꓟꓽ ꓙꓳ ꓐꓰ ꓗ,ˍꓡꓳ=

ꓖꓳ ꓟ ꓑꓶ. Dꓴ ꓙ ꓖꓴ ꓕꓱ ꓠꓬꓲꓽ ꓚꓱ, ( Vijoynagar and Tali) ꓠꓬ 2022 ꓘꓳꓼ ꓟꓽ ꓖꓴ ꓡꓰˍꓧꓶ. ꓕꓯ ꓗꓪ

ꓫꓬ, Dꓳ ꓝꓲˍꓥꓳ꓾ ꓐꓰ ꓐꓯˍꓡꓳ=

ꓙꓱ‐ꓦꓲ‐ꓠ‐ꓔꓶ. ꓗꓪ

Source: The Arunachal Times

Spread the love

Leave a Reply

Your email address will not be published.