Category: Local News

Home » News » Local News

Lisu Movie ꓣꓳ ꓲ-ꓓꓲ-ꓬ ꓗꓪ ꓔꓬˍꓟ ꓡꓲ-ꓢꓴ ꓞꓳ ꓡꓱꓺ ꓐꓴ ꓠꓬ ꓮ ꓟꓶ ꓟ ꓤꓶꓻ ꓔꓯ ꓖꓼ ꓢꓲ ꓢꓯꓸ ꓐꓬꓱ ꓫꓬꓹˍꓟ ꓐꓰ ꓟꓴ ꓖꓪ ꓫꓬꓹˍꓟ ꓮ ꓟꓬꓹ ꓢꓯꓼ ꓕꓵꓼ ꓔꓬˍꓡꓳ꓿ ꓖꓳ ꓡꓱ ꓠꓬꓲ ꓮ ꓟꓶ "ꓠꓵ ꓠꓲꓹ ꓠꓬ ꓠꓵ ꓠꓲꓹ" ꓐꓰ ꓐꓯˍꓟ ꓢꓯꓸ ꓐꓬꓱꓽ ꓕꓲ ꓚꓱꓹ ꓫꓬꓹ ꓓꓳ ꓡꓺꓳ꓿ ꓣꓳ ꓐꓴ ꓡꓳꓸ ꓠꓬꓲ ꓢꓲ ꓢꓯꓼ ꓖꓶ ꓓꓴ ꓬꓰ ꓡꓯ꓿ ꓢꓯꓸ ꓐꓬꓱꓽ ꓫꓬꓹ ꓢꓴ ꓓꓲꓣꓰꓚꓔꓳꓣ ꓡꓰ ꓐꓯˍꓟ ꓠꓬ꓾ "ꓮ ꓟꓶ ꓕꓱ ꓟ ꓠꓬ ꓢꓯꓸ ꓐꓬꓱꓽ ꓓꓱꓽ ꓓꓴ Camera ꓡꓰ ꓓꓱꓽ ꓔˍꓟ ꓟꓽ ꓥ꓾ ꓙꓸ ꓠꓸ/Phone ꓗꓪ ꓐꓰ ꓓꓱꓽ ꓔˍꓟ ꓥˍꓡꓳ ꓐꓰ꓾ ꓐꓯˍꓡꓳ꓿ ꓖꓳ ꓡꓱ ꓢꓲ ꓟꓽ ꓜꓳˍꓟ ꓐꓰ ꓟꓽ ꓙꓲˍꓟ ꓟꓲ ꓙꓳˍꓥꓳ꓿ ꓳ ꓡꓲ ꓖꓶ ꓐ ꓡ ꓟꓬ ꓛꓲ ꓢꓯꓼ ꓕꓵꓼ ꓔꓬˍꓥꓳ ꓐꓰ꓾ ꓐꓯˍꓡꓳ꓿ ꓝꓮꓲ ꓕꓱ ꓟ ꓔꓯ ꓢꓯꓼ ꓖꓶꓽ ꓠꓹ ꓟ ꓠꓬ "ꓢꓴꓐꓢꓚꓣꓲꓐꓰ ꓐꓰ ꓡꓲꓗꓰ ꓝꓮꓲ ꓢꓧꓮꓣꓰ ꓬꓰˍꓟ ꓬꓰ ꓖꓶꓽ ꓙ ꓡꓯ ꓐꓰ ꓓꓰꓽ ꓔꓬˍꓡꓳ꓿ ꓝꓮꓲ ꓢꓯꓸ ꓐꓬꓱꓽ ꓕꓱ ꓟ ꓔꓯ ꓣꓴ ꓢꓲ ꓝꓮꓚꓰꓐꓳꓳꓗ ꓐꓰ ꓬꓳꓴꓔꓴꓐꓰ ꓝꓮꓲ ꓠꓱꓸ ꓐꓯꓼ ꓢꓳꓚꓲꓮꓡ ꓟꓰꓓꓲꓮ ꓗꓪ ꓕꓽ ꓗꓶꓺ ꓖꓡꓽ ꓐꓰ ꓪꓴꓸ ꓓꓰꓽ ꓩꓴ ꓡˍꓡꓳ꓿ ꓕꓱ ꓟ ꓠꓬ ꓣꓳ ꓡꓲ-ꓢꓴ ꓐꓴ ꓕꓲ ꓣꓳ ꓕꓲ ꓟꓵꓽ ꓗꓪ ꓔꓬˍꓟꓲ ꓢꓯꓸ ꓐꓬꓱꓽ ꓐꓰ ꓟꓴ ꓖꓪ ꓔꓯ ꓟꓳꓸ ꓗꓳꓸ ꓙꓲꓽ ꓙꓳˍꓟ ꓮ ꓟꓬꓹ ꓢꓯꓼ ꓕꓵꓼ ꓩꓴ ꓡˍꓟ ꓗꓪ ꓐꓰ ꓲ-ꓓꓲ-ꓬ ꓡꓲ-ꓢꓴ ꓞꓳ ꓡꓯꓸ ꓐꓴ ꓥˍꓟꓲ ꓡꓯ ꓫꓵ ꓮ ꓟꓶ ꓟ ꓤꓶꓻ ꓦꓬꓼ ꓠꓬꓲ ꓔꓯ ꓖꓼ ꓙꓰ ꓢꓲ ꓔꓯꓺ ꓢꓳ ꓔꓬˍꓟ ꓥˍꓡꓳ꓿ ꓖꓳ ꓡꓱ ꓠꓬꓲ ꓮ ꓟꓶ ꓞꓳ ꓡꓱꓺ ꓐꓴ ꓔꓯ ꓢꓯꓼ ꓖꓶˍꓟ ꓐꓰ ꓬꓲꓼ ꓠꓬꓲꓸ ꓖꓶꓽ ꓡꓯ ꓘꓳˍꓟ ꓮ ꓕꓯˍꓟꓲ ꓙꓳ ꓔꓬꓹ ꓝꓲ ꓡꓯ꓿ ꓣꓳ ꓡꓲ-ꓢꓴ ꓫꓵꓽ ꓐꓴ ꓮ ꓡꓲ ꓗꓪ ꓔꓬˍꓟꓲ ꓕꓲ ꓡꓲ-ꓢꓴ ꓡꓰ ꓥꓳ꓿ ꓖꓳ ꓡꓱ ꓠꓬꓲ ꓞꓳ ꓡꓯꓸ ꓐꓴ ꓔꓯ ꓢꓯꓼ ꓖꓶˍꓟ ꓐꓰ ꓛꓲꓽ ꓔꓴ ꓖꓶˍꓟ ꓠꓬ ꓮ ꓟꓬꓹ ꓣꓱꓽ ꓬꓯꓼ ꓔꓬˍꓡꓳ꓿ ꓣꓳ ꓡꓲ-ꓢꓴ ꓐꓴ ꓥˍꓟꓲ ꓐ ꓡ ꓟ ꓕꓲ ꓒꓳꓹ ꓗꓪ ꓢꓯꓸ ꓐꓬꓱ ꓫꓬꓹˍꓟ ꓐꓰ ꓟꓴ ꓖꓪ ꓫꓬꓹˍꓟ ꓔꓯ ꓟꓳꓸ ꓮ ꓟꓬꓹ ꓢꓯꓼ ꓕꓵꓼ ꓙꓰ ꓡꓯ꓿

Post

lisu movie | ꓡꓲ‐ꓢꓴ ꓢꓯ. ꓐꓬꓱꓽ ꓬꓲ ꓫꓵꓼ Dꓳ ꓡꓻꓳ | love is love ꓟꓳꓦꓲꓰ

ꓠꓵ ꓠꓲ, ꓠꓬ ꓠꓵ ꓠꓲ, ꓢꓯ. ꓐꓬꓱꓽ ꓣꓳ ꓲ-ꓓꓲ-ꓬ ꓗꓪ ꓔꓬˍꓟ ꓡꓲ-ꓢꓴ ꓞꓳ ꓡꓱꓺ ꓐꓴ ꓠꓬ ꓮ ꓟꓶ ꓟ ꓤꓶꓻ ꓔꓯ ꓖꓼ ꓢꓲ ꓢꓯꓸ ꓐꓬꓱ ꓫꓬꓹˍꓟ ꓐꓰ ꓟꓴ ꓖꓪ ꓫꓬꓹˍꓟ ꓮ ꓟꓬꓹ ꓢꓯꓼ ꓕꓵꓼ ꓔꓬˍꓡꓳ꓿ ꓖꓳ ꓡꓱ ꓠꓬꓲ ꓮ ꓟꓶ “ꓠꓵ ꓠꓲꓹ ꓠꓬ ꓠꓵ ꓠꓲꓹ” ꓐꓰ ꓐꓯˍꓟ ꓢꓯꓸ ꓐꓬꓱꓽ ꓕꓲ ꓚꓱꓹ ꓫꓬꓹ ꓓꓳ ꓡꓺꓳ꓿ ꓣꓳ...