Meghalaya ꓗꓪ Omicron ꓠꓻ ꓫꓵꓽ 5 ꓣꓳ ꓚ, ꓟꓶꓳ | The Lisu News

The Lisu News: 01. 04. 2022 ꓘꓳꓼ ꓗꓪ Covid-19 ꓠꓻ ꓫꓵꓽˍꓡꓰ ꓐꓰ ꓠꓻˍꓟ ꓠꓻ ꓫꓵꓽ ꓬꓲ ꓫꓵꓼ Omicron ꓠꓬ ꓲ‐Dꓲ‐ꓬ ꓗꓴꓷꓼ ꓗꓳ ꓟꓵꓽ ꓟꓯ‐ꓖ‐ꓡ‐ꓬ ꓢꓲ ꓔꓲꓼ (Meghalaya State) ꓗꓪ ꓠꓻ ꓢꓴ 5 ꓣꓳ ꓚ, ꓟꓶ ꓡꓰꓳ= ꓕꓲ ꓣꓳ ꓠꓬ ꓮ‐ꓢ (Assam) ꓗꓪ ꓔꓬ, ꓢꓴ ꓕꓲ ꓣꓳ ꓥˍꓡꓳ= ꓝꓮꓲ ꓠꓱ ꓐꓯꓼ 4 ꓣꓳ ꓠꓬ East Khasi Hills ꓐꓰ Ri-Bhoi Dꓲ ꓢꓲ ꓔꓲꓼ (District) ꓗꓪ ꓐꓰ ꓥˍꓡꓳ=

.

ꓚ, ꓟꓶ ꓡꓰ ꓢꓴ 4 ꓣꓳ ꓠꓬ ꓤ ꓑ ꓤ, ꓥˍꓡꓳ= ꓝꓮꓲ 1 ꓣꓳ ꓠꓬ ꓤ ꓟꓶꓼ ꓤ, ꓥˍꓡꓳ= ꓰ ꓢꓲ ꓘ ꓢꓰ ꓦꓰ ꓡꓶ ꓢꓲ (East Khasi Hills) ꓗꓪ ꓚꓳ ꓕꓲ ꓣꓳ ꓟ ꓠꓬ ꓧꓪ ꓒꓴ ꓟꓵꓽ U.S.A ꓗꓪ ꓐꓰ ꓡ ꓡ ꓢꓴ ꓥˍꓡꓳ= ꓝꓮꓲ ꓠꓱ ꓐꓯꓼ ꓕꓲ ꓐꓱ ꓟ ꓠꓬ ꓲ‐Dꓲ‐ꓬ ꓗꓴꓷꓼ ꓚꓰ, Dꓯ‐ꓡꓰ (Delhi) ꓐꓰ ꓗꓳ ꓟꓵꓽ (Northeast) ꓗꓪ ꓟ ꓮ‐ꓢ‐ꓟꓵ ꓢꓲ ꓔꓲꓼ (Assam State) ꓗꓪ ꓐꓰ ꓥˍꓡꓳ= ꓮꓟꓶ 2 ꓣꓳ ꓠꓬ ꓟꓯ‐ꓖ‐ꓡ‐ꓬ (Meghalaya) ꓗꓪ ꓟ ꓣꓲ‐ꓐꓳ‐ꓬꓰ (Ri-Bhoi) ꓗꓪ ꓐꓰ ꓥˍꓡꓳ= ꓕꓱ ꓠꓬꓲꓽ ꓣꓳ ꓟ ꓔꓯ ꓮ ꓗꓰ ꓙꓰ ꓚꓳ ꓦˍꓟ ꓚꓲ ꓚ, ꓠꓬꓲ ꓠꓬ ꓮ ꓗꓪ ꓡꓰ ꓙꓰ ꓚꓳ ꓦˍꓟ ꓟꓽ ꓙꓳ=

.

ꓠꓯ ꓞꓲꓼ ꓢꓲ ꓒꓽ ꓐꓴ ꓗꓪ ꓐꓰ ꓐꓯ ꓟ. ꓖꓶꓽ ꓩꓴ ꓡˍꓟ ꓠꓬ ꓠꓻ ꓢꓴ ꓬꓲ ꓪ ꓟꓬ, ꓠꓬꓲ ꓕꓲ ꓐꓱ ꓠꓬ “Isolation” ꓗꓪ ꓛ, ꓔˍꓟ ꓠꓬ 4 ꓠꓬꓲ ꓐꓰ 8 ꓠꓬꓲ ꓛꓻ ꓗꓷꓳ ꓐꓰ ꓐꓯˍꓡꓳ=

.

ꓖꓳ ꓡꓱ ꓠꓬꓲ ꓠꓻ Dꓴ ꓚ, Dꓳ ꓡ ꓢꓴ ꓐꓴ ꓔꓯ ꓙ ꓡꓯ ꓘꓳ ꓢꓴ ꓮ ꓙꓵꓽ ꓢꓴ ꓔꓯ ꓥˍꓟꓲ ꓚ, ꓠꓬꓲˍꓥꓳ꓾ ꓐꓰ ꓢꓷ. ꓩꓴ ꓡˍꓡꓳ=

Spread the love

Leave a Reply

Your email address will not be published.