Lisu News: ꓟꓬ‐ꓟ ꓗꓪ Covid-19 ꓠꓻ ꓢꓴ 2000 ꓣꓳ ꓟꓽ ꓞꓲ ꓙꓳˍꓟ=

ꓠꓬꓲ ꓠꓬꓲ 2022 ꓘꓳꓼ 2 ꓦ ꓟ 15 ꓠꓬꓲ ꓗꓪ ꓟꓬ‐ꓟ (Myanmar) ꓗꓴꓷꓼ ꓗꓪ Covid-19 ꓠꓻ ꓢꓴ 24 ꓙꓵ, ꓟ ꓘꓴꓽ ꓗꓪ ꓚ, ꓟꓶ ꓡꓰ ꓢꓴ ꓠꓬ꓾ 2460 ꓣꓳ ꓟꓽ ꓞꓲ ꓙꓳˍꓡꓳ꓾ꓐꓰ ꓢꓷ. ꓙ ꓟꓴ ꓙ ꓖꓶꓽ ꓔˍꓡꓳ=

.

ꓟꓬ‐ꓟ ꓗꓪ ꓠꓬ ꓟꓯꓼ ꓐꓴ ꓢꓰꓼ ꓡꓯ ꓘꓳˍꓟ ꓡꓰ ꓟꓽ ꓞꓲ Covid-19 ꓠꓻ ꓢꓴ ꓠꓬ ꓟꓬ, ꓠꓬꓲ ꓐꓶ ꓠꓬꓲ ꓠꓻ ꓢꓴ ꓙꓳ ꓡ ꓔꓬˍꓡꓳ= ꓖꓳ ꓟ ꓑꓶ Dꓴ ꓴꓢꓮ ꓗꓪ ꓟ ꓢꓷ. ꓠꓲ, ꓙꓳ ꓒ ꓐꓴ ꓗꓪ ꓐꓰ ꓐꓯ ꓔꓬˍꓟ ꓠꓬ꓾ 4 ꓧꓪꓹ ꓕꓲ ꓧꓪꓹ ꓟ ꓠꓻ ꓓꓱꓽ ꓬꓲꓻ ꓒꓻ ꓠꓬ 2 ꓦ ꓐꓰ 3 ꓦ ꓟ ꓘꓴꓽ ꓗꓪ ꓟꓬ‐ꓟ ꓗꓴꓷꓼ ꓗꓪ ꓬꓯꓼ ꓡ ꓠ ꓗ,ˍꓡꓳ ꓐꓰ꓾ ꓢꓪꓼ ꓔꓬˍꓡꓳ=

ꓢꓷ. ꓖꓶꓽ ꓔˍꓟ ꓐꓬꓱꓽ

ꓟꓬ‐ꓟ ꓗꓪ ꓠꓬ ꓮ ꓘꓶ. ꓛꓲ ꓫ ꓔꓬˍꓟ ꓙꓵ, ꓥꓳ꓾ ꓑ ꓫꓬ ꓟꓬ, ꓠꓬꓲ ꓕꓲ ꓐꓱ ꓠꓬ ꓮ ꓘꓶ. ꓫ. ꓔꓬ,꓾ ꓙꓳꓺ ꓔꓬˍꓡꓳ= ꓕꓱ ꓡꓱ ꓠꓻ ꓫꓵꓽ ꓥˍꓟꓲ ꓟꓬ, ꓠꓬꓲ ꓙꓳ ꓡ ꓔꓬˍꓟ ꓬꓲ ꓝ. ꓟꓶꓽ ꓠꓬ ꓗꓪ ꓟꓯꓼ ꓐꓴ ꓐꓶ ꓡꓯ ꓘꓳ꓾ ꓢꓰꓼ ꓡꓯ ꓘꓳˍꓡꓳ= ꓖꓳ ꓟ ꓑꓶ Dꓴ ꓜꓻ Dꓴ Dꓳ Dꓴ ꓐꓰ ꓣꓱꓽ ꓫꓵꓽ ꓣꓱꓽ ꓙꓰꓽ ꓬꓲ ꓒꓵꓽ ꓠꓬ ꓧꓶ ꓕꓯ ꓢꓷ. ꓟꓽ ꓞꓲ ꓮ ꓘꓶ. ꓠꓯ. ꓬꓰꓳ ꓐꓰ ꓐꓯ ꓔꓬˍꓡꓳ=

Spread the love

Leave a Reply

Your email address will not be published.