Lisu News: ꓧꓶꓽ ꓗꓪ ꓐꓰ ꓫꓬ, ꓔˍꓟ 54 Apps ꓔꓯ ꓲ‐Dꓲ‐ꓬ ꓡꓰ ꓝꓲ. ꓗꓷˍꓟ=

ꓠꓬꓲ ꓠꓬꓲ 14 ꓠꓬꓲ 2 ꓦ 2022 ꓘꓳꓼ ꓗꓪ ꓲ‐Dꓲ‐ꓬ ꓙꓼ ꓫꓵꓽ ꓙꓼ ꓙꓰꓽ ꓔꓯ ꓗꓪʼꓽ ꓫꓵꓽ ꓢꓷ. ꓠꓲ, ꓙꓳ ꓢꓴ ꓜꓴꓻ ꓗꓪ ꓐꓰ ꓧꓶꓽ ꓗꓴꓷꓼ ꓗꓪ ꓐꓰ ꓫꓬ, ꓔˍꓟ ꓧꓶꓽ ꓶ ꓤ, 54 Applications ꓠꓬ ꓲ-Dꓲ‐ꓬ ꓑ ꓫꓬꓽ ꓐꓴ ꓗꓳ. ꓡꓳꓼ ꓗꓪ ꓘꓶ ꓡꓶꓽ Dꓴ ꓐꓰ ꓙꓲ ꓣꓴ Dꓴ ꓙꓳˍꓟ ꓑꓶ Dꓴ ꓠꓬꓲ ꓠꓬꓲ ꓠꓬ 54 Applications ꓔꓯ ꓝꓲ. ꓗꓷꓳ=

.

ꓮ ꓡꓲ ꓗ. ꓢꓲ ꓐꓯˍꓠꓬ ꓕꓱ ꓟꓬ, ꓟ ꓮꓑꓑꓢ ꓠꓬ ꓣꓱꓽ ꓢꓴ ꓐꓴ ꓠꓯꓸꓼ ꓗꓪ ꓙꓳˍꓟ ꓚꓲ ꓛꓬ ꓤ ꓟꓴ Dꓴ ꓮ ꓙꓵꓽ ꓔꓯ ꓘꓴꓽ ꓢꓲ ꓟꓽ ꓙꓲˍꓟ ꓗꓪ ꓣꓱꓽ ꓠꓬꓲ ꓝꓮꓲ ꓪꓴꓽ ꓠꓬꓲ ꓐꓰ ꓬꓰˍꓟ ꓥ ꓠꓬꓲ ꓙꓼ ꓢꓷ. ꓠꓲ, ꓙꓳ ꓢꓴ ꓜꓴꓻ ꓗꓪ ꓐꓰ ꓝꓲ. /ꓞꓲꓽ ꓗꓷˍꓟ ꓥˍꓡꓳ=

.

ꓝꓲ. ꓗꓷˍꓟ ꓮ ꓙꓵꓽ ꓠꓯꓸꓼ ꓗꓪ ꓕꓱ, ꓞˍꓟ ꓮꓑꓑꓢ ꓠꓬ-. Sweet Selfie HD, Beauty Camera, Selfie Camera, Garena Free Fire, Illuminate, Viva Video Editor, Tencent Xriver, Onmyoji Arena, AppLock and Dual Space Lite. ꓕꓱ ꓟꓬ, ꓟ ꓮ ꓙꓵꓽ ꓥˍꓡꓳ=

.

ꓗꓳ ꓗꓷˍꓟ 6 ꓦ ꓟ ꓘꓴꓽ ꓗꓪ ꓥˍꓟꓲ ꓲ‐Dꓲ‐ꓬ ꓗꓪ ꓐꓰ ꓧꓶꓽ ꓡꓰ ꓫꓬ, ꓔˍꓟ ꓮꓑꓑꓢ 59 ꓟ ꓥˍꓟꓲ ꓝꓲ. ꓗꓷˍꓟ ꓥˍꓡꓳ= ꓕꓱ ꓟ ꓠꓯꓸꓼ ꓗꓪ ꓠꓬ TikTok, WeChat And Helo ꓮ ꓙꓵꓽ ꓕꓱ, ꓞˍꓡꓳ= ꓕꓱ ꓟꓬ, ꓮ ꓙꓵꓽ ꓗꓪ ꓣꓱꓽ ꓢꓴ ꓐꓴ ꓠꓯꓸꓼ ꓗꓪ ꓙꓳˍꓟ ꓚꓲ ꓛꓬ ꓤ ꓟꓴ Dꓴ (Personal Information/Data) ꓮ ꓙꓵꓽ ꓔꓯ ꓘꓴꓽ ꓢꓲ ꓟꓽ ꓙꓲˍꓟ ꓗꓪ ꓣꓱꓽ ꓠꓬꓲ ꓝꓮꓲ ꓪꓴꓽ ꓠꓬꓲ ꓬꓰˍꓠꓬꓲ ꓝꓲ. ꓗꓷˍꓟ ꓥˍꓡꓳ꓾ ꓐꓰ ꓙꓼ ꓢꓷ. ꓠꓲ, ꓙꓳ ꓢꓴ ꓜꓴꓻ ꓐꓴ ꓗꓪ ꓐꓰ ꓐꓯˍꓡꓳ=

.

ꓝꓮꓲ ꓕꓱ ꓟˍꓡꓰ ꓟꓽ ꓞꓲ ꓝꓲ. ꓗꓷˍꓟ ꓠꓬ ꓲ‐Dꓲ‐ꓬ ꓗꓴꓷꓼ ꓟꓵꓽ ꓫ. ꓗ ꓗꓪ ꓗꓳ ꓗꓷˍꓟ ꓕꓲ ꓘꓳꓼ ꓗꓪ ꓧꓶꓽ ꓗꓪ ꓐꓰ ꓘꓶ ꓡꓶꓽ Dꓴ ꓮ ꓟꓬ, ꓙꓳ ꓢꓲ ꓲ‐Dꓲ‐ꓬ ꓟꓯꓼ 20 ꓣꓳ ꓫꓵꓻˍꓟ ꓥˍꓡꓳ= ꓖꓳ ꓟ ꓑꓶ Dꓴ ꓝꓲ. ꓞꓲꓽ ꓗꓷˍꓟ ꓟꓳꓐꓲꓡꓰ ꓮꓑꓑ ꓮ ꓙꓵꓽ ꓠꓬ 321 ꓟ ꓥˍꓡꓳ=

ꓵꓻ ꓝ. Dꓴ꓾

Spread the love

Leave a Reply

Your email address will not be published.