Lisu News: ꓲ-DI-Yꓼ ꓗꓴꓷꓼ ꓗꓪ Covid-19 ꓑꓶ. DU ꓕꓲ ꓟꓲ ꓠꓯ ꓗꓪ ꓙꓰ DU ꓙꓱ ꓦꓲ ꓙꓰ ꓚꓱ, ꓮ ꓙꓵꓽ ꓑꓲ. ꓔˍꓟ ꓠꓬ ꓠꓬꓲ ꓠꓬꓲ ꓗꓪ ꓛꓲ ꓐꓯˍꓠꓬ 2 ꓘꓳꓼ ꓟꓽ ꓞꓲ ꓗꓷ ꓬꓰꓳ= ꓖꓳ ꓟ ꓑꓶ. DU ꓠꓬꓲ ꓠꓬꓲ ꓢꓲꓺꓒꓽ ꓦꓬꓼ ꓠꓬꓲ ꓗꓪ ꓐꓰ ꓲ‐DI-Yꓼ ꓙꓱ ꓦꓲꓻ ꓔꓯ ꓗꓪʼ ꓫꓵꓽ ꓢꓴ ꓜꓴꓻ ꓗꓪ ꓐꓰ ꓕꓲ ꓟꓲ ꓠꓯ ꓙꓱ ꓦꓲ ꓙꓰ ꓚꓱ, ꓮ ꓙꓵꓽ ꓒꓴ ꓩꓴ ꓡꓻꓳ=

ꓕꓱ ꓟ ꓠꓬ ꓟꓶꓽ ꓠꓶꓽ ꓕꓲ ꓝꓲ. ꓗꓪ ꓛꓲˍꓡꓰ ꓥˍꓡꓳ= ꓬꓲ ꓠꓬꓲ ꓠꓬ 3 ꓦ ꓟ 27 ꓠꓬꓲ 2022 ꓘꓳꓼ ꓗꓪ ꓐꓰ 10 ꓦ ꓟ 29 ꓠꓬꓲ ꓗꓪ ꓛꓲˍꓡꓰ ꓥˍꓡꓳ= ꓖꓳ ꓡꓱ ꓠꓬꓲ ꓕꓱ ꓟ ꓠꓯꓸꓼ ꓗꓪ ꓘꓽ ꓟꓵꓽ ꓔˍꓟ ꓗꓴꓷꓼ ꓮ ꓙꓵꓽ ꓠꓬ ꓙꓰ ꓙꓰ ꓡ ꓡ ꓬꓰ ꓙꓲˍꓡꓳ=

ꓖꓳ ꓡꓱ ꓠꓬꓲ ꓕꓱ ꓟ ꓗꓪ I-DI-Yꓼ ꓗꓴꓷꓼ ꓗꓪ ꓐꓰ ꓘꓽ ꓟꓵꓽ ꓩꓴ ꓡˍꓟ ꓗꓴꓷꓼ ꓙꓱ ꓦꓲ ꓙꓰ ꓚꓱ, ꓮ ꓙꓵꓽ ꓠꓬ 40 ꓗꓴꓷꓼ ꓥˍꓡꓳ= ꓕꓱ ꓟ ꓠꓯꓸꓼ ꓗꓪ ꓕꓱ, ꓞ,ˍꓟ ꓗꓴꓷꓼ ꓠꓬ MAURITIUS, MALAYSIA, THAILAND, TURKEY, USA, IRAQ BE ꓠꓱꓼ ꓐꓯꓼ ꓟꓶꓽ ꓞꓴꓽ ꓙꓵ, ꓗꓪ ꓘꓽ ꓟꓵꓽ ꓕꓳ ꓶ ꓔꓲꓺ ꓡ ꓢꓴ ꓗꓴꓷꓼ ꓮ ꓙꓵꓽ ꓠꓬ ꓙꓰ ꓙꓰ ꓡ ꓡꓬꓰ ꓪ Dˍꓡꓳ꓾ ꓐꓰ ꓐꓯˍꓡꓳ=

ꓕꓱ ꓟ ꓡꓰ ꓟꓽ ꓞꓲ ꓕꓱ ꓟ ꓠꓯꓸꓼ ꓗꓪ ꓙꓱ ꓦꓲꓻ ꓬꓲ ꓫꓵꓼ ꓥˍꓟꓲ ꓔ ꓔˍꓡꓳ= ꓕꓱ ꓟ ꓬꓲ ꓟꓬꓱꓺ ꓠꓬ꓾ INDIA SALAM AIR, AIR ARABIA ABU DHABI, QANTAS BE AMERICAN AIRLINE ꓕꓱ ꓟꓬ, ꓟ ꓮ ꓙꓵꓽ ꓥˍꓡꓳ=

I-DI-Y ꓗꓴꓷꓼ ꓗꓪ ꓐꓰ ꓕꓲ ꓟꓲ ꓠꓯ ꓙꓱ ꓦꓲ ꓙꓰ ꓚꓱ, ꓑꓲ. ꓔˍꓟ ꓗꓳ. ꓗꓷˍꓟ 2020 3 ꓦ ꓗꓪ ꓐꓰ ꓥˍꓡꓳ= ꓮ ꓡꓲ ꓗ. ꓢꓲ ꓐꓯˍꓠꓬ ꓕꓲ ꓟꓲ ꓠꓯ ꓠꓻ ꓫꓵꓽ COVID-19 ꓑꓶ. DU ꓥˍꓡꓳ=

ꓬꓲ ꓚꓰ꓾NDTV NEWS

Spread the love

Leave a Reply

Your email address will not be published.