Lisu News: Ukraine ꓗꓴꓷꓼ ꓗꓪ ꓲ-ꓓꓲ-ꓬ ꓢꓷ. ꓠꓲ, ꓢꓳ ꓢꓴ ꓕꓲ ꓣꓳ ꓫꓵꓻˍꓟ=

Russia ꓐꓰ Ukraine ꓗꓴꓷꓼ ꓢꓴ ꓠꓬ ꓮ ꓘꓶ. ꓢꓰꓼ ꓘꓳ ꓔꓬˍꓟ ꓘꓴꓽ ꓗꓪ ꓲ‐Dꓲ‐ꓬ ꓗꓪ ꓐꓰ ꓠꓯ ꓞꓲꓼ ꓟ. ꓟꓲꓽ ꓔꓯ ꓢꓷ. ꓠꓲ, ꓢꓳ ꓙꓰ ꓢꓴ ꓢꓷ. ꓠꓲ, ꓢꓳ ꓒꓽ ꓕꓲ ꓣꓳ ꓠꓬ Ukraine ꓟꓯꓼ ꓑꓬ ꓠꓬ, ꓖꓴ ꓟꓲ ꓠꓯ ꓘꓵ ꓗꓪ ꓐꓰ Dꓳ ꓡ ꓢꓲ ꓬꓲ ꓐ ꓗꓪ ꓬꓲ ꓛꓳ ꓒꓯ, ꓐꓴ ꓐꓰ ꓙꓲ ꓔꓲꓺ ꓦꓲꓻ ꓗꓪ ꓙꓰ ꓕꓯ ꓖꓳ ꓗꓪ ꓟꓯꓼ ꓘꓶꓽ ꓙꓳ ꓔꓬˍꓠꓬꓲ 1 ꓠꓬꓲ 3 ꓦ 2022 ꓘꓳꓼ ꓗꓪ ꓫꓵꓻꓳ=

ꓲ‐Dꓲ‐ꓬ ꓢꓷ. ꓠꓲ, ꓢꓳ ꓒꓽ ꓬꓲ ꓟꓬꓱꓺ ꓠꓬ꓾ Gyanagoudar (ꓖꓯ‐ꓠ‐ꓖꓳ‐D) ꓥˍꓡꓳ= ꓬꓲ ꓠꓬ ꓮ ꓘꓶ. D ꓢꓴ ꓢꓷ. ꓠꓲ, ꓢꓳ ꓒ ꓕꓲ ꓣꓳ ꓥˍꓡꓳ= ꓖꓳ ꓡꓱ ꓢꓲ ꓬꓲ ꓠꓬ ꓬꓲ ꓠꓬ ꓲ-ꓓ-ꓬ ꓟꓵꓽ ꓗꓪ ꓐꓰ Ukraine (ꓬꓳ‐ꓘꓶ‐ꓡꓯ) ꓟꓵꓽ ꓗꓪ Kharkiv National Medical University ꓗꓪ ꓠꓯ ꓞꓲꓼ ꓟꓬꓱꓽ 4 ꓘꓳꓼ ꓕꓲ ꓘꓳꓼ ꓗꓪ ꓢꓳ ꓔꓬ ꓢꓴ ꓕꓲ ꓣꓳ ꓥ ꓢꓲ꓾ ꓗꓳꓸ ꓗꓷˍꓟ 3 ꓘꓳꓼ ꓕꓲ ꓘꓳꓼ ꓗꓪ ꓕꓳ ꓶ ꓘꓳꓽˍꓟ ꓗꓪ ꓬꓲꓸ ꓧꓶꓺ 95% ꓩꓴ. ꓪ ꓔꓸ ꓢꓴ ꓕꓲ ꓣꓳ ꓥ ꓡꓳ꓿

ꓝꓮꓲ ꓕꓱ ꓟ ꓡꓰ ꓟꓽ ꓞꓲ Ukraine ꓗꓴꓷꓼ ꓗꓪ ꓲ‐Dꓲ‐ꓬ ꓗꓪ ꓐꓰ ꓢꓷ. ꓠꓲ, ꓢꓳ ꓙꓰ ꓢꓴ ꓠꓬ ꓬꓲ ꓔꓴ ꓣꓳ ꓟꓽ ꓞꓲ ꓙꓳˍꓠꓬꓲ꓾ ꓲ‐Dꓲ‐ꓬ ꓗꓴꓷꓼ ꓗꓪ ꓟ ꓙꓵꓽ ꓢꓴ ꓐꓴ ꓬꓲ ꓪ ꓔꓯ ꓚꓬꓴ ꓙ ꓠ, ꓟ ꓮ ꓘꓶ. ꓢꓯꓼ ꓕꓵꓼ ꓔꓬˍꓡꓳ= ꓖꓳ ꓡꓱ ꓥˍꓟꓲ Russia ꓗꓪ ꓐꓰ ꓮ ꓘꓶ. ꓪ ꓠꓬꓲ ꓠ ꓟꓯꓼ ꓘꓶꓽ/ꓟꓶꓽ ꓙꓽ ꓙꓳ ꓔꓬˍꓠꓬꓲ ꓖꓳ ꓗꓪ ꓐꓰ ꓕ ꓑꓳ. ꓢꓳ ꓒꓽ ꓾ ꓢꓳ ꓟ ꓐꓴ ꓔꓯ ꓣꓴ ꓡ ꓠ, ꓟ ꓬꓲ ꓫ. ꓔꓬˍꓢꓰꓽ ꓡꓳ=

Spread the love

Leave a Reply

Your email address will not be published.