Lisu News: ꓢꓲ‐ꓐꓲ‐ꓬ ꓞꓳ ꓘ, ꓗꓪ ꓟꓬ‐ꓟ ꓟꓯꓼ ꓡꓰ ꓐꓳꓽ ꓢꓶꓽ ꓞꓰ ꓡˍꓟ=

Kachin ꓟꓵꓽ ꓫꓴ ꓖ‐ꓟꓶ‐Dꓰ ꓡꓳ ꓒꓱꓻ ꓢꓲ‐ꓐꓲ‐ꓬ ꓞꓳ ꓘ, ꓗꓪ ꓟꓬ‐ꓟ ꓟꓯꓼ ꓡꓰ 3 ꓦ ꓟ 1 ꓠꓬꓲ ꓟꓳꓼ ꓡꓳ 2 ꓙꓵ, ꓐꓶꓽ ꓗꓪ ꓐꓳꓽ ꓢꓶꓽ ꓞꓰ, ꓦꓲꓻ 2 ꓦꓲꓻ ꓗꓪ ꓐꓰ ꓐꓳꓽ ꓢꓶꓽ ꓡꓻꓳ ꓐꓰ ꓢꓲ‐ꓐꓲ‐ꓬ ꓗꓪ ꓔꓬˍꓟ ꓞꓳ ꓔꓲꓺ ꓕꓲ ꓣꓳ ꓡꓰ ꓐꓯˍꓡꓳ=

ꓫꓲ‐ꓖꓼ‐ꓔ‐ꓪꓳ ꓗꓪ ꓠꓯꓼ ꓠꓯꓼ 9 ꓙꓵ, ꓗꓪ ꓗꓲꓮ ꓐꓰ ꓑDꓝ ꓟꓯꓼ ꓡꓰ ꓟꓬ‐ꓟ ꓟꓯꓼ ꓔꓯ ꓢꓰꓼ ꓡꓯ ꓘꓳꓼ ꓔꓬˍꓕꓯ ꓟꓬ‐ꓟ ꓟꓯꓼ ꓗꓪ ꓐꓰ ꓐꓳꓽ ꓢꓶꓽ ꓞꓰ, ꓦꓲ 2 ꓢꓶꓽ ꓗꓪ ꓐꓰ ꓐꓳꓽ ꓢꓶꓽ ꓞꓰ, ꓩꓴ ꓡˍꓟ ꓥˍꓡꓳ= PDF ꓗꓪ ꓙꓵꓽ ꓢꓴ ꓕꓲ ꓣꓳ ꓗꓪ ꓐꓰ ꓖ‐ꓟꓶ‐DE ꓫꓲ‐ꓖꓼ‐ꓔ‐ꓪꓳ ꓗꓪ ꓠꓬꓲ ꓠꓬꓲ ꓕꓲ ꓠꓬꓲ ꓟ ꓘꓴꓽ ꓗꓪ 2 ꓧꓪ. ꓢꓰꓼ ꓡꓯ ꓘꓳ ꓗꓷꓳ ꓐꓰ꓾ ꓐꓯˍꓡꓳ=

ꓖꓳ ꓗꓪ ꓢꓰꓼ ꓡꓯ ꓘꓳˍꓟ ꓗꓪ ꓑ ꓫꓬ ꓟꓯꓼ ꓑDF BE KIA ꓐꓴ ꓗꓪ ꓐꓰ ꓟꓬ‐ꓟ ꓟꓯꓼ ꓐꓴ ꓠꓬ ꓮ ꓘꓶ. ꓠꓻ DU ꓡꓰ ꓝꓮꓲ ꓞꓳ. ꓡꓰ ꓔꓬˍꓠꓬꓲ ꓙꓱ ꓦꓲ ꓗꓪ ꓐꓰ ꓚꓬꓴ ꓙ ꓡ ꓠ, ꓟ ꓘꓴ ꓗꓷˍꓟ ꓥˍꓡꓳ= ꓖꓳ ꓟ ꓑꓶ DU ꓖꓳ ꓗꓪ ꓐꓳꓽ ꓢꓶꓽ ꓞꓰ, ꓩꓴ ꓡˍꓟ ꓥˍꓡꓳ=

ꓟꓬ‐ꓟ ꓟꓯꓼ ꓗꓪ ꓐꓰ ꓐꓳꓽ ꓢꓶꓽ ꓞꓰ, ꓡˍꓟ ꓗꓪ ꓐꓰ ꓫꓲ‐ꓖꓼ‐ꓔ‐ꓪꓳ ꓒ ꓕꓲ ꓙꓳˍꓟ ꓞꓳ ꓘ, ꓗꓪ ꓔꓬˍꓟ ꓑ ꓫꓬ ꓐꓴ ꓠꓬ ꓘꓰ, ꓙꓰ ꓔꓬˍꓡꓳ= ꓖ‐ꓟꓶ‐DE ꓗꓪ ꓟꓯꓼ ꓡꓳ ꓒꓱꓻ ꓢꓲ‐ꓐꓲ‐ꓬ ꓐꓰ ꓡꓴ‐ꓫ‐ꓬ ꓕꓱ ꓡꓱ 2 ꓠꓬꓲ ꓔꓯ ꓗꓲꓮ ꓐꓰ PDF ꓗꓪ ꓐꓰ ꓢꓰꓼ ꓧꓪ. ꓡꓰˍꓠꓬꓲ ꓬꓲ ꓪ ꓡꓰ ꓟꓬ‐ꓟ ꓟꓯꓼ ꓙ ꓕꓱ ꓡꓱ 2 ꓟ ꓔꓯ PDF BE KIA LE ꓙꓵꓽˍꓬꓰꓳ=

ꓗꓲꓮ ꓐꓰ ꓑDF ꓬꓲ ꓪ ꓡꓰ ꓢꓰꓼ ꓧꓪ. ꓡꓰ ꓕꓲ ꓑ ꓗꓪ ꓟꓬ‐ꓟ ꓟꓯꓼ ꓐꓴ ꓡꓰ NI, ꓢꓲ, ꓠꓬꓲ ꓗ, ꓟꓽ ꓛꓲ ꓠꓬꓲ ꓡ ꓛꓴ. ꓒ: ꓐꓰ ꓡ ꓛꓴ. ꓗꓪ ꓐꓰ ꓮ ꓔꓳ ꓔꓳ ꓤ ꓐꓶ ꓚꓳ ꓢꓲ ꓝꓴꓲ ꓟꓽ ꓙꓳ ꓢꓴ ꓑ ꓫꓬ 7 ꓣꓳ ꓠꓬ ꓠꓻ DU ꓡꓰꓳ= ꓝꓮꓲ 2 ꓣꓳ ꓠꓬ ꓫꓵꓻꓳ ꓐꓰ ꓐꓯˍꓡꓳ=

Source: DVB NEWS

Spread the love

1 comment

Leave a Reply

Your email address will not be published.