Lisu News: Australia ꓗꓪ ꓬꓲꓻ ꓙꓬ ꓟꓶ. ꓔꓬˍꓠꓬꓲ ꓡ ꓞꓳ ꓐꓴ ꓘꓰ, ꓙꓰ ꓔꓬˍꓟ

Australia ꓐꓶꓽ Dꓳ ꓔꓯ. ꓢꓲ ꓗꓪ 24 ꓠꓬꓲ 2 ꓦ ꓟ 2022 ꓘꓳꓼ ꓗꓪ ꓐꓰ ꓟꓶ ꓦ ꓮ ꓘꓶ. ꓜꓯ, ꓡˍꓠꓬꓲ ꓬꓲꓻ ꓙꓬ ꓙꓲꓽ ꓠꓬꓲ ꓝꓮꓲ ꓬꓲ ꓙꓬ ꓟꓶ. ꓠꓬꓲ ꓗꓷ ꓡꓰˍꓠꓬꓲ 28 ꓠꓬꓲ ꓗꓪ ꓠꓬ ꓟꓬ, ꓠꓬꓲ ꓜꓯ, ꓡˍꓠꓬꓲ ꓖꓳ ꓗꓪ ꓞꓳ ꓘ, ꓗꓪ ꓔꓬˍꓢꓴ ꓮ ꓟꓬ ꓣꓳ ꓔꓯ ꓘꓰ, ꓙꓰ ꓠ, ꓟ ꓕꓳ ꓶ ꓖꓶꓽ ꓗꓷꓳ= ꓮ ꓡꓲ ꓗ. ꓢꓲ ꓐꓯˍꓠꓬ ꓖꓳ ꓗꓪ ꓬꓲꓻ ꓙꓬ ꓠꓬ ꓮ ꓘꓶ. ꓕꓶ. ꓠ ꓙꓲꓽ ꓡˍꓟ ꓬꓲꓻ ꓙꓬꓻ ꓥ ꓠꓬꓲ ꓘꓰ, ꓙꓰ ꓠ, ꓟ ꓕꓵꓽ ꓪ ꓖꓶꓽ ꓗꓷˍꓟ ꓥˍꓡꓳ=

photo: 9 NOW

24 ꓠꓬꓲ ꓗꓪ ꓐꓰ ꓠꓬꓲ ꓠꓬꓲ ꓗꓪ ꓛꓲ ꓬꓲ ꓙꓬꓻ ꓮ ꓘꓶ. ꓙꓲꓽ ꓡ ꓢꓲ ꓠꓬꓲ ꓡ ꓞꓳ ꓠꓬ 9 ꓣꓳ ꓫꓵꓻꓳ ꓝꓮꓲ ꓟꓽ ꓧꓪ ꓟꓶ ꓢꓰꓽ ꓢꓴ ꓠꓬ 4 ꓣꓳ ꓕꓯ ꓢꓲ ꓙꓳˍꓡꓳ= ꓖꓳ ꓟ ꓑꓶ Dꓴ ꓬꓲꓻ ꓙꓬ ꓟꓯꓼ/ ꓚꓬꓴ ꓙ ꓢꓴ ꓜꓴꓻ ꓐꓴ ꓮ ꓘꓶ. ꓢꓯꓼ ꓕꓵꓼ ꓢꓲ ꓧꓪꓺ ꓔꓬˍꓡꓳ=

Photo: 9 NOW

ꓬꓲ ꓙꓬꓻ ꓠꓬ ꓡ ꓞꓳ ꓐꓴ ꓟꓽ Dꓵꓽ ꓙ ꓔˍꓟ ꓕꓯ ꓢꓲ ꓬꓲ ꓙꓬ ꓟꓶ. ꓡ ꓠꓬꓲ 30,000 ꓣꓳ ꓕꓯ ꓢꓲ ꓠꓬ ꓬꓲ ꓙꓬꓻ ꓟꓯꓼ ꓜꓴꓻ ꓐꓴ ꓐꓰ ꓕꓲ ꓪꓸꓼ ꓠꓲ ꓞ, ꓠꓲ, ꓧꓳꓽ ꓦꓲ ꓗꓪ ꓐꓰ ꓘꓰ, ꓙꓰ ꓠ ꓗꓷ ꓡꓰꓳ ꓐꓰ ꓠꓰꓪ ꓢꓳꓴꓔꓧ ꓪꓮꓡꓰ ꓗꓪ ꓟ ꓙꓵꓽ ꓢꓲꓽ ꓒ ꓑꓣꓲꓟꓰ ꓟꓲꓠꓲꓢꓔꓰꓣ ꓗꓪ ꓐꓰ ꓐꓯˍꓡꓳ=

Photo: 9 NOW
Spread the love

1 comment

Leave a Reply

Your email address will not be published.