Lisu News: MO DO ꓘꓴꓽ ꓢꓴ 5 ꓣꓳ ꓣꓴ ꓟꓶˍꓟ Dꓳ=

Itanagar Capital Police (ꓲ‐ꓔ‐ꓠ‐ꓖ ꓗꓪ ꓟ ꓟꓯꓼ) ꓗꓪ ꓐꓰ ꓮ ꓘꓶ. ꓒꓵꓽˍꓟ ꓟꓳ Dꓳ ꓘꓴꓽ ꓢꓴ 5 ꓣꓳ ꓔꓯ ꓘꓴ ꓟꓶ ꓡꓰꓳ= ꓬꓲ ꓪ 5 ꓣꓳ ꓔꓯ ꓠꓬ 9 ꓠꓬꓲ 2 ꓦ ꓟ ꓗꓪ ꓐꓰ ꓣꓴ ꓪꓴ. ꓔꓴ ꓢꓲ 24 ꓠꓬꓲ 2 ꓦ ꓟ ꓘꓴꓽ ꓗꓪ ꓟꓲ ꓖ ꓟꓲ ꓗꓪ ꓣꓴ ꓟꓶˍꓟ ꓥˍꓡꓳ=

ꓟꓯꓼ ꓗꓪ ꓐꓰ ꓣꓴ ꓟꓶˍꓟ ꓟꓳ Dˍ ꓠꓬ꓾ Mahindra Scorpio 4 ꓗ. ꓐꓰ Hyundai Creta3 ꓗ. ꓝꓮꓲ Fortuner 2 ꓗ. ꓐꓰ Maruti Suzuki Swift Dezire 1 ꓗ. ꓥˍꓡꓳ= ꓖꓳ ꓡꓱ ꓠꓬꓲ ꓙꓵꓽ ꓗ ꓠ ꓐꓼ (u/s 34/120-B379/411/413/464 ꓐꓰ 471 ꓗꓪ ꓬꓲ ꓪ ꓔꓯ ꓠ‐ꓦ‐ꓡ‐ꓖ ꓟꓯꓼ ꓡꓳ. ꓔꓶ. (Station) ꓗꓪ ꓬꓲ ꓪ ꓫꓵꓽ ꓪꓴ ꓔꓯ ꓐꓳ ꓗꓷ ꓗꓷꓳ=

Photo: Arunacahl Times

ꓚꓮꓑꓲꓔꓮꓡ(ꓗꓯ‐ꓑꓲ‐ꓔ) ꓗꓪ ꓟ ꓟꓯꓼ ꓬꓲ ꓞꓲꓽ ꓢꓑ ꓡꓰ ꓐꓯˍꓟ ꓠꓬ ꓬꓲ ꓪ ꓗꓮꓠꓗꓮꓣ ꓠꓮꓡꓡꓮꓧ ꓗꓪ ꓟꓳ Dꓳ ꓔꓯ ꓚꓵ ꓚ, ꓔꓬˍꓕꓯ ꓖꓳ ꓗꓪ ꓒꓴ ꓒꓴ ꓔˍꓟ ꓝꓳꓣꓔꓴꓠꓰꓣ ꓟꓳ DO ꓕꓲ ꓗ. ꓦ ꓡ ꓢꓲ ꓮ ꓙꓵ ꓐꓰ ꓚꓵ ꓚ ꓗꓷ ꓠꓬ ꓖꓳ ꓗꓪ ꓟꓳ Dꓳ ꓕꓳ ꓶ ꓫꓬ, ꓔˍꓟ ꓥˍꓟꓲ ꓬꓲ ꓚꓬꓼ ꓥˍꓡꓳ ꓐꓰ꓾ ꓐꓯˍꓡꓳ= ꓖꓳ ꓗꓪ ꓟꓳ DO ꓫꓵ. ꓒꓽ ꓡꓰ ꓐꓯˍꓟ ꓠꓬ ꓬꓲ ꓠꓬ ꓟꓳꓠꓲ ꓖꓴꓣꓴꓠꓖ ꓐꓰ ꓑꓮꓢꓢꓮꓠꓖ ꓔꓮꓟꓮꓠꓖ ꓚ. ꓚꓳ ꓕꓲ ꓞꓲ ꓠꓬꓲꓽ ꓢꓯꓻ ꓥꓪꓽ ꓟꓶꓽ (12,50,000) ꓖꓶꓽ ꓢꓲ ꓪꓴꓻ ꓔˍꓟ ꓥˍꓡꓳ ꓐꓰ꓾ ꓐꓯˍꓡꓳ=

ꓖꓳ ꓡꓱ ꓠꓬꓲ ꓟꓳ Dꓳ ꓬꓲ ꓚꓬꓼ ꓕꓳ ꓶ ꓫꓬ, ꓢꓲ/ꓪꓴꓽ ꓢꓴ 3 ꓣꓳ ꓔꓯ ꓥˍꓟꓲ ꓣꓴ ꓟꓶ ꓡꓰꓳ= ꓬꓲ ꓪ ꓠꓬ ꓟꓳ DO ꓠ ꓐꓼ ꓐꓰ ꓝꓮꓲ ꓪꓴꓻ ꓕꓳ ꓶ ꓔꓯ ꓬꓲ ꓚꓬꓼ ꓫꓬ, ꓢꓲ ꓪꓴꓽ ꓔꓬˍꓠꓬꓲ ꓣꓴ ꓟꓶ ꓡꓰˍꓟ ꓥˍꓡꓳ= ꓖꓳ ꓗꓪ ꓬꓲ ꓪ ꓔꓯ ꓜꓲ ꓜꓲ ꓟꓴ ꓟꓴ ꓚꓵ ꓚ, ꓗꓷˍꓠꓬ꓾ ꓬꓲ ꓪ 3 ꓣꓳ ꓗꓪ ꓐꓰ ꓕꓲ ꓣꓳ ꓠꓬꓲ 2006 ꓘꓳꓼ ꓗꓪ ꓐꓰˍꓡꓰ ꓬꓰ ꓔꓬˍꓟ ꓥˍꓡꓳ꓾ ꓐꓰ ꓐꓯ ꓟ. ꓖꓶ DO ꓡˍꓡꓳ=

ꓣꓴ ꓟꓶ ꓡꓰ ꓢꓴ ꓮ ꓙꓵꓽ ꓔꓯ ꓑꓳ‐ꓡꓲ‐ꓚꓰ ꓟꓯꓼ ꓗꓪ ꓐꓰ JUDICIAL CUSTODY ꓚꓵ ꓚ, ꓔꓶ. ꓗꓪ ꓡꓴꓽ ꓔˍꓡꓳ=

Source: The Arunachal Times

Spread the love

Leave a Reply

Your email address will not be published.