Lisu News: Ukraine ꓗꓪ Arunachal ꓗꓪ ꓐꓰ ꓢꓷ. ꓠꓲ, ꓢꓳ ꓙꓰ ꓢꓴ ꓐꓴ ꓫ. ꓔꓬˍꓠꓬꓲ ꓗꓳ ꓟꓵꓽ ꓮ ꓜꓴ ꓬꓼ ꓕꓳ ꓶ ꓐꓳˍꓟ
ꓮ‐ꓣꓴ‐ꓠ‐ꓚ ꓗꓪ ꓐꓰ Ukraine Kꓴꓷꓼ ꓗꓪ ꓢꓷ. ꓠꓲ, ꓢꓳ ꓙꓰ ꓢꓴ 2 ꓣꓳ ꓠꓬ ꓕꓱ ꓕꓲ ꓙꓵ, ꓗꓪ ꓮ ꓘꓶ. ꓫ. ꓔꓬˍꓡꓳ= ꓖꓳ ꓗꓪ ꓟꓶꓽ ꓙꓽ (ꓟꓯꓼ ꓘꓶꓽ) ꓙꓳ ꓔꓬˍꓠꓬꓲ Kyiv ꓗꓪ ꓞꓳ ꓔꓬˍꓡꓳ= ꓬꓲ ꓪ ꓟꓬꓱꓺ ꓠꓬ Horli Rime ꓐꓰ Kiran Tasung ꓥˍꓡꓳ= ꓝꓮꓲ ꓬꓲ ꓪ ꓐꓰ ꓔꓬ, ꓢꓴ Gunin Jerang ꓠꓬ Ukraine ꓗꓴꓷꓼ ꓗꓪ ꓞꓳ ꓔꓬˍꓡꓳ=
Horli Rime ꓠꓬ ꓟꓐꓐꓢ ꓗꓪ 4 ꓕꓲ. (fourth Semester) ꓗꓪ Uzzhord National University ꓗꓪ ꓢꓳ ꓔꓬˍꓟ ꓙꓳꓮ ꓟꓽ ꓕꓲ ꓣꓳ ꓥˍꓡꓳ= ꓝꓮꓲ Tasung ꓠꓬ Ukraine Zaporizhzhia State Medical University ꓗꓪ ꓢꓳ ꓔꓬˍꓢꓴ ꓕꓲ ꓣꓳ ꓥˍꓡꓳ=
ꓖꓳ ꓡꓱ ꓠꓬꓲ Ministry of External Affairs ꓗꓪ ꓟ ꓬꓲ ꓜꓲꓽ Law Minister Kiren Rijiju ꓡꓰ ꓫꓵꓽ ꓪꓴ ꓕꓱ ꓟ ꓔꓯ D ꓔꓳ, ꓢꓲ ꓠꓬꓲ ꓬꓲ ꓪ ꓔꓯ ꓚꓬꓴ ꓠ, ꓟ꓾ ꓥ ꓠꓬ꓾ ꓣꓴ ꓠ, ꓟ ꓢꓯꓼ ꓕꓵꓼ ꓔꓬˍꓡꓳ=
ꓖꓳ ꓡꓱ ꓠꓬꓲ ꓬꓲ ꓪ ꓔꓯ ꓚꓬꓴ ꓠ, ꓟ꓾ ꓬꓰ ꓙ ꓠ, ꓟ ꓠꓬ ꓖꓳ ꓗꓪ ꓟ ꓟꓲꓠꓲꓢꓔꓣꓬ ꓳꓝ ꓰꓫꓔꓰꓣꓠꓮꓡ ꓮꓝꓝꓮꓲꓣꓢ ꓗꓪ ꓐꓰ D ꓔꓳ, ꓢꓲ ꓬꓲ ꓪ ꓔꓯ ꓮ ꓡꓰ ꓔꓬ, ꓠ, ꓟ ꓐꓰ ꓮ ꓡꓰ ꓬꓰ ꓢꓲ ꓔꓬ, ꓟ ꓐꓯ ꓖꓶˍꓡꓳ= ꓖꓳ ꓡꓱ ꓠꓬꓲ ꓬꓲ ꓪ ꓔꓯ ꓖꓳ ꓗꓪ ꓬꓲ ꓪ ꓛꓳ ꓒꓯ, ꓐꓴ ꓐꓰ ꓝꓮꓲ ꓫꓵꓽ ꓤ, ꓪꓳ ꓤ, ꓐꓴ ꓐꓰ ꓕꓲ ꓪꓸꓼ ꓔꓬ, ꓠ, ꓟ ꓴꓗꓣꓮꓲꓠꓰ ꓗꓪ ꓰꓟꓐꓮꓢꓢꓬ ꓗꓪ ꓐꓰ ꓐꓯ ꓖꓶ ꓔˍꓡꓳ=
ꓕꓱ ꓟ ꓠꓯꓸꓼ ꓗꓪ ꓗꓳ ꓟꓵꓽ Arunachal State ꓗꓪ ꓟ ꓬꓲ ꓜꓲꓽ Governor ꓟD ꓟꓲꓢꓧꓣꓮ ꓡꓰ ꓟꓲꓠꓲꓢꓔꓣꓬ ꓳꓝ ꓰꓫꓔꓰꓣꓠꓮꓡ ꓮꓝꓝꓮꓲꓣꓢ ꓗꓪ ꓟ ꓬꓲ ꓜꓲꓽ Dr. S Jaishankar ꓔꓯ Dꓰꓽ ꓢꓲ ꓠꓬꓲ ꓠꓲ ꓞ, ꓖꓳ ꓗꓪ Ukraine ꓗꓪ ꓟ ꓙꓳꓮ ꓟꓽ ꓐꓴ ꓔꓯ I‐Dꓲ‐ꓬ ꓗꓪ ꓮ ꓫꓵꓽ ꓡꓰ ꓟꓽ ꓗꓷ ꓡꓰ ꓡꓰ ꓧꓳꓽ ꓡ ꓛꓲ ꓠ, ꓟ ꓐꓯ ꓗꓷꓳ=
ꓝꓮꓲ ꓕꓱ ꓟ ꓡꓰ ꓟꓽ ꓞꓲ ꓙꓳꓮ ꓟꓽ ꓐꓴ ꓬꓲ ꓪ ꓕꓲ ꓦꓲꓻ ꓢꓴ ꓐꓰ ꓢꓔꓮꓔꓰ ꓗꓪ ꓟ ꓡ ꓞꓳ/ꓑ ꓫꓬ ꓐꓴ ꓬꓲ ꓪ ꓐꓱ ꓶ ꓮ ꓘꓶ. ꓙꓬ ꓫ. ꓔꓬˍꓡꓳ꓾ꓐꓰ ꓐꓯˍꓡꓳ= ꓖꓳ ꓡꓱ ꓠꓬꓲ ꓬꓲ ꓜꓲꓽ ꓟꓲꓢꓧꓣꓮ ꓗꓪ ꓐꓰ ꓥꓪ ꓠꓴꓽ Dꓰꓽ ꓘꓶꓽ ꓔꓯ ꓠ ꓠ, ꓢꓲ ꓬꓰ ꓙ ꓡˍꓟ ꓔꓯ ꓥꓪ ꓠꓴꓽ ꓗ, ꓛꓲ ꓠꓲ, ꓒꓴˍꓥꓳ ꓐꓰ꓾ ꓐꓯˍꓡꓳ=
Source: The Arunachal Times
Leave a Reply