Lisu News: ꓤ ꓟꓶꓼ ꓤ, 2 ꓣꓳ ꓐꓰ ꓬꓲ ꓟ, ꓟ ꓔꓯ ꓮ. ꓔꓳ. ꓛꓴ ꓢꓰꓼˍꓟ

24. 2 V M 2022 ꓘꓳꓼ ꓗꓪ ꓤ ꓟꓶ ꓡꓯ. ꓤ, 2 ꓣꓳ ꓐꓰ ꓬꓲ ꓟ, ꓟ ꓔꓯ ꓟꓬ‐ꓟ ꓟꓯꓼ ꓗꓪ ꓐꓰ ꓮ. ꓔꓳ. ꓛꓴ ꓢꓰꓼ ꓔˍꓟ ꓧꓪꓺ ꓟꓳˍꓡꓳ= ꓬꓲ ꓪ 3 ꓟ. ꓡꓼ ꓔꓯ ꓠꓬ ꓟꓬ‐ꓟ ꓟꓯꓼ ꓗꓪ ꓐꓰ 23 ꓠꓬꓲ ꓕꓯ ꓞꓳ, ꓧꓳꓽ ꓙꓰˍꓟ ꓥˍꓡꓳ= ꓬꓲ ꓪ ꓕꓲ ꓦꓲꓻ ꓢꓴ ꓠꓬ ꓟꓬ‐ꓟ ꓢꓲꓽ ꓔꓲꓼ (State) စစ်ကိုင်းတိုင်း ꓟꓬꓱꓺˍꓟ ꓗꓪ ကလေးမြို့နယ် ꓐꓯˍꓟ ꓟꓲ ꓪꓳꓼ ꓗꓪ ꓔꓬ, ꓢꓴ ꓥ ꓢꓲ꓾ ꓞꓳ ꓘ, ꓟꓬꓱꓺ ꓠꓬ꓾ချောင်းခွကျေးရွ ꓟꓬꓱꓺˍꓟ ꓗꓪ ꓔꓬ, ꓢꓴ ꓥ ˍꓡꓳ= ꓬꓲ ꓢ ꓟ. ꓡꓼ ꓔꓯ ꓛꓴ ꓢꓰꓼ ꓔˍꓟ ꓠꓬ သံဖိုရွာ ခွေကျိန်ရွာ ꓞꓳ ꓘ, ꓕꓱ ꓡꓱ ꓠꓬꓲꓽ ꓘꓳ ꓚꓸꓼ ꓟ ꓗꓪ ꓛꓴ ꓢꓰꓼ ꓔˍꓟ ꓟꓳˍꓡꓳ= ꓬꓲ ꓪ ꓢ ꓟ. ꓡꓼ ꓔꓯ ꓛꓴ ꓢꓰꓼ ꓔˍꓟ ꓮ ꓡꓰ ꓢꓲ ꓚ, ꓪ Dˍꓡ? ꓐꓰ ꓐꓯˍꓟ ꓠ. ꓑꓳꓺ ꓞꓰ. ꓡꓰ. ꓗꓪ ꓐꓰ ꓚ, ꓪ ꓡꓰꓳ=

ꓤ ꓟꓶ ꓡꓯ. 2 ꓣꓳ ꓐꓰ ꓬꓲ ꓟ, ꓟ ꓔꓯ ꓣꓴ ꓧꓳꓽ ꓙꓰˍꓟ ꓠꓬ꓾ ꓟꓯꓼ ꓘꓰ, ꓢꓴ ꓔꓬˍꓟ ꓗꓪ ꓬꓲ ꓪ ꓕꓲ ꓦꓲꓻ ꓢꓴ ꓥˍꓟꓲ ꓔꓬ, ꓠꓬꓲ 22 ꓠꓬꓲ ꓟꓶ ꓘꓶꓼ ꓢꓲ ꓗꓪ ꓟꓬ‐ꓟ ꓟꓯꓼ Dꓵꓽ ꓡ ꓢꓲ ꓬꓲ ꓪ ꓢ ꓟ. ꓡꓼ ꓔꓯ 23 ꓠꓬꓲ ꓗꓪ ꓞꓳ, ꓧꓳꓽ ꓙꓰˍꓡꓳ= ꓬꓲ ꓪ ꓔꓬ,ˍꓟ ꓗꓪ ꓮ ꓟꓬ, ꓘ, ꓗꓪ ꓐꓰ ꓟꓯꓼ ꓘꓰ, ꓢꓴ ꓔꓬˍꓡꓳ=

ꓖꓳ ꓡꓱ ꓠꓬꓲ ꓞꓳ, ꓧꓳꓽ ꓙꓰˍꓟ ꓗꓪ ꓖꓳ ꓗꓪ ꓔꓬ, ꓢꓴ ꓑ ꓫꓬ ꓐꓴ ꓔꓯ ꓥˍꓟꓲ ꓝꓮꓲ ꓬꓲ ꓦꓲꓻ ꓢꓲ ꓒꓽ ꓔꓯ ꓥˍꓟꓲ ꓕꓽ ꓛꓳꓽ ꓐꓰ ꓐꓯˍꓡꓳ= ꓛꓳꓽ ꓢꓴ ꓔꓯ ꓠꓬ ꓡꓽ ꓛꓴ. ꓐꓶ ꓢꓰꓼ Dꓴ ꓥꓳ꓾ ꓐꓰ ꓐꓯˍꓡꓳ= ꓖꓳ ꓟ ꓑꓶ. Dꓴ ꓬꓲ 3 ꓟ. ꓡꓼ ꓔꓯ ꓞꓳ ꓧꓳꓽ ꓙꓰˍꓟ ꓗꓪ ꓮꓽ ꓟ ꓥˍꓟꓲ ꓛꓳꓽ ꓟꓽ ꓑꓶ ꓗꓷ ꓡꓰꓳ=

ꓖꓳ ꓗꓪ ꓕꓲ ꓟꓵꓽ ꓗꓪ ꓮ ꓟꓬ, ꓠꓬ ꓟꓬ‐ꓟ ꓟꓯꓼ ꓔꓯ ꓤ ꓟꓶꓼ ꓤ, ꓐꓴ ꓮ ꓟꓬ, ꓠꓬ ꓒꓳ, ꓔꓳ, ꓔꓬˍꓢꓴ ꓔꓬˍꓟ ꓟꓵꓽ ꓥˍꓡꓳ= ꓖꓳ ꓟ ꓑꓶ. Dꓴ ꓬꓲ ꓪ ꓢ ꓟ. ꓡꓼ ꓔꓯ ꓖꓳ ꓕꓲ ꓟꓵꓽ ꓗꓪ ꓐꓰ ꓞꓳ ꓧꓳꓽ ꓙꓰˍꓟ ꓥˍꓡꓳ= ꓖꓳ ꓕꓯ 24 ꓠꓬꓲ ꓗꓪ ꓠꓬ ꓬꓲ 3 ꓟ. ꓡꓼ ꓔꓯ ꓮ. ꓔꓳ. ꓛꓴ ꓢꓰꓼ ꓔˍꓟ ꓧꓪ ꓖꓳ Dꓱꓽ ꓧꓪꓺ ꓟꓳ ꓡꓰˍꓟ ꓥˍꓡꓳ=

Photo: BBC News

ꓖꓳ ꓗꓪ ꓟꓯꓼ ꓘꓰ, ꓔꓬ, ꓢꓴ ꓮ ꓟꓬ, ꓔꓬˍꓟ ꓗꓪ ꓐꓰ ꓬꓲ ꓪ 3 ꓟ. ꓡꓼ ꓔꓯˍꓡꓰꓽ ꓞꓳ, ꓧꓳꓽ ꓙꓰˍꓟ ꓥˍꓡꓳ= ꓖꓳ ꓑꓶ. Dꓴ ꓬꓲ ꓪ ꓕꓲ ꓦꓲꓻ ꓢꓴ ꓮ ꓙꓵꓽ ꓠꓬ 6 ꓣꓳ ꓔꓬˍꓟ ꓗꓪ ꓐꓰ ꓮ ꓟꓶ ꓠꓬ꓾ 3 ꓣꓳˍꓡꓰ ꓗꓷ ꓡꓰꓳ= ꓧꓶ. ꓕꓯ ꓥˍꓟꓲ ꓖꓳ ꓕꓲ ꓟꓵꓽ ꓗꓪ ꓮ ꓔꓳ. ꓛꓴ ꓠꓰ ꓞꓳ ꓤ ꓢꓰꓼ ꓮ ꓟꓬ, ꓙꓳ ꓗꓷꓳ=

ꓖꓳ ꓡꓱ ꓥˍꓟꓲ ꓮ ꓜꓴ ꓬꓼ (ꓟꓯꓼ) ꓗꓪ ꓐꓰ ꓠꓬ ꓡꓴ ꓡꓴ ꓟꓽ ꓐꓯ ꓔꓬ,= ꓖꓳ ꓗꓪ ꓞꓳ, ꓘ, ꓗꓪ ꓔꓬ, ꓢꓴ ꓡꓰ ꓐꓯˍꓟ ꓟꓬ, ꓠꓬꓲ ꓚꓽˍꓡꓳ꓾ ꓐꓯˍꓡꓳ=

Source: BBC NEWS

Spread the love

Leave a Reply

Your email address will not be published.