Lisu News: ꓢꓷ. ꓠꓲ, ꓚꓱ, ꓗꓪ ꓬꓲ ꓜꓲꓽ BD Mishra Dꓵꓽ ꓙ ꓫ. ꓔꓬˍꓟ

ꓬꓲ ꓜꓲꓽ (Governor) ꓐD ꓟꓲ‐ꓫꓵ‐ꓣ (BD Mishra) ꓠꓬ ꓢꓲ ꓔꓲꓼ (State) ꓗꓪ ꓢꓷ. ꓠꓲ, ꓚꓱ ꓗꓪ ꓬꓲ ꓡꓲꓽ ꓙꓳ ꓙꓳ ꓟꓬꓱꓽ ꓬꓰ ꓠ, ꓟ ꓐꓰ ꓮ ꓙꓵ ꓐꓰ ꓡꓳ. ꓙ ꓠ, ꓟ ꓔꓯ. ꓟꓳ. Dꓵꓽ ꓙ ꓪꓴꓽ ꓧꓶ ꓡꓰꓳ=

ꓢꓲ ꓔꓲꓼ (State) ꓗꓪ ꓟ ꓞꓳ ꓡꓱꓺ ꓐꓴ ꓔꓯ ꓠꓬ ꓮ ꓘꓶ. ꓢꓯꓼ ꓖꓶꓽ ꓢꓲ ꓢꓷ. ꓠꓲ, ꓚꓱ, ꓗꓪ ꓢꓯꓼ ꓙꓳ ꓠ, ꓟ ꓐꓰ ꓟꓴ ꓕꓲ. ꓙꓳꓮ ꓦꓲꓻ ꓗꓪ ꓣꓱꓽ ꓠ, ꓟ ꓒꓴ ꓔꓯ ꓥ ꓟꓲ D ꓪꓴ. ꓗꓪ ꓛꓻ ꓢꓲ ꓢꓯꓼ ꓕꓵꓼ ꓟꓳ. ꓙ ꓠ, ꓟ ꓐꓯˍꓡꓳ=

ꓬꓲ ꓜꓲꓽ Chief Minister ꓐꓰ Governor ꓐꓬꓱꓽ

ꓖꓳ ꓡꓱ ꓠꓬꓲ ꓚꓲ ꓛꓬꓽ ꓙꓳꓮ ꓒꓴ ꓔ ꓢꓴ ꓢꓷ. ꓠꓲ, ꓢꓳ ꓦꓲꓻ ꓮ ꓙꓵꓽ ꓥ ꓟꓲ ꓢꓷ. ꓠꓲ, ꓬꓲ ꓚꓰ ꓴꓖꓚ (University Grant Commission) ꓡꓰ ꓫꓬ, ꓔˍꓟ ꓔꓯ ꓛꓳ ꓢꓲ ꓬꓰ ꓠꓯ,ˍꓡꓳ꓾ ꓐꓰ Chief Minister ꓬꓲ ꓜꓲꓽ ꓐꓰ ꓣꓮꓙ ꓐꓧꓮꓦꓮꓠ ꓗꓪ ꓜꓲꓼ ꓡꓯ ꓘꓳˍꓟ ꓗꓪ ꓐꓯˍꓡꓳ=

ꓖꓳ ꓡꓱ ꓠꓬꓲ ꓬꓲ ꓜꓲꓽ ꓐꓴ ꓬꓲ ꓪ ꓖꓳ ꓗꓪ ꓜꓲꓼ ꓡꓯ ꓘꓳˍꓟ ꓗꓪ ꓗꓴꓷꓼ ꓢꓲ ꓔꓲꓼ (State) ꓗꓪ ꓪꓴꓽ ꓡ ꓟꓴ ꓡ ꓚꓱ, ꓐꓰ ꓢꓷ. ꓠꓲ, ꓚꓱ, ꓝꓮꓲ ꓙꓵꓽ ꓚꓱ, ꓡꓳ ꓚꓱ, ꓮ ꓟꓬ, ꓚꓱ, ꓔꓯ ꓖꓪ ꓙꓱ ꓡꓯ ꓘꓳ ꓗꓷꓳ=

ꓝꓮꓲ ꓕꓱ ꓟ ꓡꓰ ꓟꓽ ꓞꓲ ꓧꓳ‐ꓡꓳ‐ꓖꓲ ꓙꓱ ꓦꓲ ꓠꓽ ꓔꓶ. (Hollongi Airport) ꓔꓯ ꓟꓳ. ꓥ ꓟꓲ ꓮ ꓡꓰ ꓐꓰ ꓬꓰ Dꓳˍꓟ ꓐꓰ ꓮ ꓡꓲ ꓟꓬꓱꓽ ꓬꓰ ꓔꓬˍꓟ ꓔꓯ ꓖꓪ ꓙꓱ ꓡꓯ ꓘꓳ ꓢꓲ꓾ ꓮ ꓟꓶ ꓡ ꓠ, ꓟ 15 ꓠꓬꓲ 8 ꓦ ꓟ 2022 ꓘꓳꓼ ꓗꓪ ꓫꓬ, Dꓳ ꓡꓰ ꓠ, ꓟ ꓐꓯˍꓡꓳ=

ꓬꓲ ꓚꓰ꓾ The Arunachal Times

ꓵꓻ ꓝ. DU-.

Spread the love

Leave a Reply

Your email address will not be published.