Lisu News: ꓫꓵ‐Dꓰ ꓘ, ꓙ ꓖꓴ ꓗꓪ ꓤ ꓟꓶꓼ ꓡꓯ. ꓕꓲ ꓣꓳ ꓟꓳ Dꓳ ꓫꓵ. ꓔꓬˍꓟ

22 ꓠꓬꓲ 2 ꓦ ꓟ 2022 ꓘꓳꓼ ꓗꓪ ꓫꓵ‐Dꓰ ꓘ, ꓙ ꓖꓴ (MV Road) ꓗꓪ ꓡꓲ‐ꓢꓴ ꓤ, ꓟꓶꓼ ꓡꓯ. ꓕꓲ ꓣꓳ ꓠꓬ BOLERO CAMPER ꓕꓲ ꓢꓶꓽ ꓫꓵ. ꓙꓰˍꓡꓳ= ꓮ ꓟꓶꓽ ꓡꓯ. ꓖꓳ ꓕꓲ ꓣꓳ ꓠꓬ ꓮ ꓘꓶ. ꓠꓲ, ꓪꓴꓽˍꓟ ꓕꓲ ꓣꓳ ꓥˍꓡꓳ= ꓬꓲ ꓠꓬ ꓲ‐Dꓲ‐ꓬ ꓡꓲ‐ꓢꓴ ꓔꓬ, ꓟꓵꓽ ꓗꓪ ꓡꓲ‐ꓢꓴ ꓫꓵꓽ ꓗꓳ ꓡꓳꓼ ꓗꓪ ꓚꓳ ꓬꓲ ꓪꓴ. ꓕꓲ ꓣꓳ ꓤ, ꓟꓶꓼ ꓤ, ꓟꓳ Dꓳ ꓫꓵ. ꓢꓴ ꓕꓲ ꓣꓳ ꓗꓷ ꓡꓰꓳ=

ꓥ ꓪ! ꓪꓴ‐ꓢ ꓬꓰ ꓙ ꓔ ꓙ ꓠꓬꓲ ꓡꓲ‐ꓢꓴ ꓫꓵꓽ ꓐꓴ ꓥˍꓟꓲ ꓮ‐ꓡꓯ‐ꓚꓰ ꓟꓲꓺ ꓬꓰ ꓢꓲ ꓧꓪꓺ Dꓳꓡˍꓟ ꓒꓴ ꓗꓪ ꓐꓰ ꓟꓳ Dꓳ ꓪꓴꓻ ꓢꓴ ꓐꓰ ꓟꓳ‐Dꓳ ꓑꓵꓻ(ꓢ‐ꓗꓯ) ꓪꓴꓻ ꓢꓴ ꓝꓮꓲ ꓕꓱ ꓟ ꓡꓰ ꓟꓽ ꓞꓲ ꓙꓼ ꓟꓳ Dꓳ ꓪꓴꓻ ꓢꓴ ꓐꓯ ꓖꓴ ꓟꓽ D ꓗꓷ ꓡꓰꓳ=

ꓮ ꓟꓶ ꓠꓬ ꓢꓲꓽ ꓒꓽ ꓪ ꓔꓲ ꓐꓴ ꓗꓪ ꓐꓰ ꓡꓯ ꓫꓵ ꓢꓯꓼ ꓕꓵꓼ ꓙ ꓡ ꓠꓬꓲ ꓙ ꓖꓴ ꓥˍꓟꓲ ꓡꓯ ꓫꓵ ꓙ ꓫꓱꓽ ꓙꓲˍꓡꓰꓳ= ꓖꓳ ꓡꓱ ꓥˍꓟꓲ ꓙ ꓖꓴ ꓗꓪ ꓟꓳ Dꓳ ꓫꓵ. ꓥꓳꓽ ꓡꓰˍꓠꓬꓲ ꓡꓱ. ꓙꓰˍꓟˍꓟꓲ ꓙꓳˍꓡꓳ= ꓠꓬꓲ ꓠꓬꓲ 22.02.2022 ꓘꓳꓼ ꓗꓪ ꓥˍꓟꓲ ꓡꓲ‐ꓢꓴ ꓒ ꓟꓳ Dꓳ ꓕꓲ ꓢꓶꓽ ꓙ ꓖꓴ ꓗꓪ ꓫꓵ. ꓥꓳꓽ ꓡꓰ ꓢꓲ ꓬꓲ ꓐꓽ ꓢꓲ ꓗꓪ ꓑ ꓙꓰꓳ= ꓖꓳ ꓗꓪ ꓫꓵ. ꓢꓴ ꓔꓯ ꓠꓬ ꓠꓻ Dꓴ ꓡꓰ Dꓴ ꓠꓬ ꓟꓽ ꓙꓳ ꓡꓰ ꓐꓰ꓾ ꓐꓯˍꓡꓳ= ꓟꓳ Dꓳ ꓟ ꓔꓯ ꓢꓲ ꓮ ꓔꓯ. ꓠꓻ Dꓴ ꓡꓰꓳ ꓐꓰ꓾ Dꓳꓽ ꓜꓳ ꓡˍꓡꓳ=

Photo: Sojesa

58 ꓕꓶꓻ (ꓙꓳ‐ꓢ‐Dꓰ ꓘ,) ꓗꓪ ꓥˍꓟꓲ ꓧꓳ, Dꓽ ꓖꓴꓽ ꓔꓶ. Dꓳ ꓡꓰ ꓔꓬˍꓡꓳ= ꓙꓼ ꓟꓳ Dꓳ ꓙꓚꓐ ꓗꓪ ꓐꓰ ꓧꓳ, Dꓽ ꓖꓴꓽ ꓔꓯ ꓖꓳ ꓢ ꓕꓲꓽ ꓛꓱꓽ ꓔ ꓢ ꓕꓲꓽ ꓛꓱꓽ ꓚꓵ, ꓔꓶ. ꓔꓬˍꓡꓳ= ꓢꓯ. ꓐꓬꓱꓽ ꓔꓯ ꓡꓳ. ꓠꓬꓲ=

ꓢꓯ. ꓐꓬꓱꓽ ꓠꓬ ꓢꓳ‐ꓙꓰ‐ꓢ ꓗꓪ ꓐꓰ ꓣꓴ ꓔˍꓟ ꓥˍꓡꓳ=

ꓵꓻ ꓝ. Dꓴ꓾

Spread the love

Leave a Reply

Your email address will not be published.